ހއ. އަތޮޅުން ފެށިގެން ބ. އަތޮޅާ ދެމެދުގައިވާ ރަށްރަށަށް ހުދު ސަމާލު ނެރެފިއެވެ.
ރާއްޖޭގެ މޫސުމާބެހޭ އިދާރާއިން ވިދާޅުވެފައިވަނީ އެ އަތޮޅުތަކަށް ހުދުސަމާލޭ ނެރެފައިވަނީ ވައިގަދަވެ ކަނޑުތައް ގަދަވާނޭ ކަމަށްލަފާކުރެވޭތީ ކަމަށެވެ.
އަދި ގަޑިއަކު 19 މޭލާއި 24 މޭލާ ދެމެދުގެ ބާރު މިނުގައި ވައިޖެހޭނޭ ކަމަށާއި ވިލާގަނޑުގައި 40 މޭލަށް ވައިގަދަވާނޭ ކަމަށްވެސް އެ އިދާރާއިން ވަނީ ވިދާޅުވެފައެވެ.
މިސަރަހައްދުތަކަށް ދާދީ ދެންމެހެން ނެރުނު މި ސަމާލު ހަމަވަނީ މިރޭ 22:00 އާ ހަމައަށެވެ.
މިދުވަސްވަރަކީ ރާއްޖޭގެ އެކި ހިސާބުތަކަށް ވިއްސާ ދުވަސްވަރެކެވެ. އަދި ހުޅަނގު މޫސުމުގެ ބާރު ގަދަވުމާއި ގުޅިގެން، މޫސުމާބެހޭ އިދާރާއިން ވަނީ ރާއްޖޭގެ ބައެއް ސަރަޙައްދުގައި ޢާންމު ވައި ބާރުވެ، ކަނޑުތައް ވަރަށް ގަދަވާނެ ކަމަށް ލަފާކުރައްވާފައެވެ.
