ރޭގެ ވަގުތެއްގައި އައިޖީއެމްއެޗުގެ އިމަރޖެންސީގައި ފަރުވާ ދޭން ފަށާފައިވާ، މޯލްޑިވްސް ތާޑްވޭ ޑިމޮކްރެޓްސް (އެމްޓީޑީ)ގެ ރައީސް އަދި ކުރީގެ ނައިބް ރައީސް އަހުމަދު އަދީބު އަބްދުލްގަފޫރު ފަރުވާ ހޯއްދަވަމުން ގެންދަވަނީ ފުރާނައަށް ނުރައްކާވާ ބައްޔަކަށް ކަމަށް އެޕާޓީއިން މައުލޫމާތު ދީފިއެވެ.
އަދީބުގެ ބަލިހާލަތު ހުރި ގޮތުން، ރާއްޖޭން ބޭރަށް ބޭސްފަރުވާއަށް ވަޑައިގެންނެވުމުގެ ހުއްދައަށް އެދިވަޑައިގެންފައިވާ ކަމުގެ އަޑުތަކެއް ފެތުރިފައިވަނިކޮށް، ސިއްހީ ހާލަތު ކުއްލިއަކަށް ގޯސްވެ، ފަރުވާ އަށް އައިޖީއެމްއެޗްގެ އީއާރްއަށް ވަނީ ގެނެސްފައެވެ. މިކަމާ ގުޅިގެން މިއަދު އެމްޓީޑީން ކުރި ޓުވީޓެއްގައި ހާމަކޮށްފައިވާ ގޮތުގައި އަދީބު ފަރުވާ ހޯއްދަވަމުން ގެންދަވަނީ ނާރުތަކާ ގުޅޭ ސީރިއަސް އަދި ފުރާނައަށް ނުރައްކާވާ ބައްޔަކަށެވެ.
މިހާރުވެސް މައިބަދައަށާއި ލޮލަށްވެސް ފަރުވާ ހޯއްދަވަމުން ގެންދަވާ އަދީބު، ވަނީ މީގެ ކުރިންވެސް އައިޖީއެމްއެޗުގައި އެނދުމަތިކޮށް ފަރުވާދީފައެވެ.
އެމްއެމްޕީއާރުސީގެ ބޮޑު ހިޔާނާތުގެ ކުށް ސާބިތުވެ، ވިހި އަހަރުގެ ޖަލުހުކުމެއް ތަންފީޒު ކުރަމުން ދަނިކޮށް، ސިއްހީ ހާލަތު ވަރަށްވެސް ގޯސްވެ، އިންޑިޔާއަށް ވަޑައިގެން ފަރުވާ ހޯއްދެވިފަހުން، އަދީބުގެ ޖަލުހުކުމް ވަނީ ގެއަށް ބަދަލުކޮށްފައެވެ.
އަދީބުގެ ބައްޔާއި ބެހޭ މައުލޫމާތު އެނގެނީ ޑަކްޓަރުންނަކަށް ނޫން. އޭނާ ވަގުލާރިން މީހުން ގަނެގެން ހެދި ޕާޓީގެ ބޮޑުންނަށް.
މަރުވުމުގެކުރިން ދިވެހި ރައްޔިތުންގެ ދަރަނި ދައްކައި ނިންމައިދެއްވާ، އަމާންކަމާއި ސަލާމަތްކަންއޮތީ އެއިރުން، ކުށްމަޢާފު ކުރެވެން އޮންނާނީ ވެސް އެއިރުން