އަންނަ ސެޕްޓެމްބަރު މަހުގެ ނުވަ ވަނަ ދުވަހު އޮންނަ ރިޔާސީ އިންތިހާބުގެ ރީ-ރެޖިސްޓްރޭޝަނަށް އިލެކްޝަން ކޮމިޝަން (އީސީ)ން ހުޅުވާލައިފިއެވެ.
އީސީން ވިދާޅުވީ މި އިންތިހާބުގައި ވޯޓުލާން ރެޖިސްޓްރީވެފައިވާ ރަށް ނޫން އެހެން ތަނެއްގައި ވޯޓުލުމަށްޓަކައި ރަޖިސްޓްރީވުމުގެ ފުރުސަތު މިއަދު ހެނދުނު 08:30 އިން ފެށިގެން އޮގަސްޓު 5 ވަނަ ދުވަހުގެ ހަވީރު 4:00 އާ ހަމައަށް ހުޅުވާފާއިވާ ކަމަށެވެ.
މީގެއިތުރުން މި މުއްދަތުގައި ރެޖިސްޓްރީވުމަށް ހުށަހެޅޭނީ ރެޖިސްޓްރީވެފައިވާ ތަން ނޫން އެހެން ތަނެއްގައި ނުވަތަ ރަށަކަށް ރެެޖިސްޓްރީވުމަށް އެދޭ ނަމަ ކަަމަށް ވެސް އީސީއިން ވިދާޅުވިއެވެ.
މިގޮތުން 2020 ވަނަ އަހަރުގެ ކައުންސިލް އިންތިހާބުގައި މާލޭގައި ވޯޓުލާފައިވާ ފަރާތްތައް ރިޔަސީ އިންތިހާބުގައި ވޯޓު ލުމަށް ރަޖިސްޓްރީ ވެފައި އޮތީ މާލެއަށެވެ.
އަދި ރަޖިސްޓަރީ ވުމަށް އެދި އޮންލައިންކޮށް އިލެކްޝަންސް ކޮމިޝަންގެ ރީ-ރަޖިސްޓްރޭޝަން ޕޯޓަލް މެދުވެރިކޮށް ވެސް ހުށަހެޅޭނެ އެވެ. އަދި މާލޭ ފިޔަވައި މީހުން ދިރިއުޅ ހުރިހާ ރަށެއްގެ ކައުންސިލް އިދާރާއިންނާއި، އައްޑޫ ސިޓީ އަދި ފުވައްމުލަކު ސިޓީގެ އަވަށްތަކުގެ އޮފީސްތަކުން ވެސް ފޯމު ހުށަހެޅޭނެ އެވެ.
ރިޔާސީ އިންތިހާބު 2023 ގައި ވޯޓުލުމަށް ރަޖިސްޓަރީވެފައިވާ ތަނުގެ މައުލޫމާތު އީސީގެ ވެބްސައިޓް އަދި (VR space ID.No Send to 1414) އަށް އެސްއެމްއެސް ކޮށްގެން ޗެކު ކުރެވޭނެ އެވެ.
ރީ-ރަޖިސްޓަރީވުމަށް އެދޭ ފޯމު އީސީގެ ވެބްސައިޓުންނާއި ކައުންސިލް އިދާރާތަކުން ލިބެން ހުންނާނެ އެވެ.
