އދ.ހަންޏާމީދޫއިން ބާއްވަމުންދާ ގެންދާ އެންމެ ފޯރިގަދަ ފުޓްސެލް މުބާރާތް "ހަންޏާސް ކަޕް 2023" ގައި ބައިވެރިވުމަށް މުޅި އަރިއަތޮޅަށް ފުރުސަތު ހުޅުވާލައިފިއެވެ.
2020 ވަނަ އަހަރުން ފެށިގެން ހަންޏާމީދޫގެ ޓީމުތަކަށް އަމާޒުކޮށްގެން ފެށި މި މުބާރާތުގައި ރަށުން ބޭރު ޓީމުތަކަށް ބައިވެރިވެވޭގޮތް މިދިޔަ އަހަރުގައި ހަދާފައިވެއެވެ.ފުރަތަމަ ފުރުސަތު ހުޅުވާލައިފައިވަނީ އަރިއަތޮޅު ދެކުނުބުރީ ރަށްތަކަށެވެ.އެފުރުސަތު ގެ ބޭނުން ހިފައި ރަށުން ފަސް ޓީމާއެކު ރަށުން ބޭރު ތިން ރަށެއްގެ ޓީމު ބައިވެރިވެފައިވެއެވެ.އެއީ އދ. އޮމަދޫ މިލާން ޓީމާއި، އދ.ކުނބުރުދޫ ކުނބުރުދޫ ފުޓްސެލް ޓީމް އަދި އދ.ފެންފުށީ ބުރަދާސް އެފްސީއެވެ.
މި އަހަރުގެ ހަންޏާސް ކަޕް އަށް ކުޅުމަށް މުޅި އަރިއޮޅަށް ފުރުސަތު ހުޅުވާލައިފައިވާއިރު، މުބާރަތް އިންތިޒާމްކުރާ "ޢާވީ ޕްރިންޓާސް" އިން ވަނީ ކޮށްފައިވާ އިއުލާންއާއެކު މުބާރާތުގެ ގައިވައިދުވެސް ނެރިފައިވެއެވެ. އަދި ގަވައިދުގައި ވާގޮތުން ރަށު ޓީމުތަކަށް ކުޅެވޭނީ ގިނަވެގެން ބޭރު ދެކުޅުންތެރިންނަށް ކުޅެވޭއިރު،ރަށުން ބޭރު ޓީމުތަކަށް ކުޅެވެނީ އެރަށެއްގައި ރަޖިސްޓްރީ ވެފައިވާ ކުޅުންތެރިންނަށް އެކަނިއެވެ.
ޗެރިޓީ އިވެންޓުތަކާއެކު ކުރިޔަށް ގެންދާ މި މުބާރާތުގައި މިއަހަރުގެ ޗެމްޕިއަން ޓީމަށް ދިނުމަށް ހަމަޖެހިފައިވަނީ 25000 (ފަންސަވީސް ހާސް) ރުފިޔާއެވެ. އަދި ބައިވެރި ވުމަށް ކޮންމެ ޓީމަކުންވެސް 2000 (ދެހާސް ރުފިޔާ) ރުފިޔާގެ ފީއެއް ދައްކަންޖެހެއެވެ.
އޮކްޓޫބަރު މަހުގައި އޮންނަ މި މުބާރާތުގެ ބައިވެރިވުމަށް އެދި ފޯމް ހުށަހެޅުމަށް ސުންމިނަޓަކީ 30 ޖުލައި ވަނަ ދުވަހުގެ ރޭ 21:00އެވެ.އަދި މުބާރާތުގައި ބައިވެރި ކުރުމަށް ހަމަޖެހިފައިވަނީ އެންމެ ފުރަތަމަ ރަޖިސްޓްރީކުރާ 12 ޓީމެކެވެ.
މިދިޔަ އަހަރުގެ މުބާރާތުގެ ޗެރަޓީ ފައިސާ ހަދިފާކޮށްފައިވަނީ "ބްލައިންޑް އެންޑް ވިސުއަލީ އިމްޕާރޑް ސޮސައިޓީ އޮފް މޯލްޑިވްސް"އަށެވެ.
