މިއަންނަ މަހު 9 ގައި އޮންނަ ރިޔާސީ އިންތިހާބުގައި ވޯޓުލުމަށް ރަޖިސްޓްރީކޮށްފައިވާ ވޯޓު ފޮށްޓާ ގުޅޭ ޝަކުވާތައް ހުށަހެޅުމުގެ ފުރުސަތު މިއަދު ހުޅުވާލައިފިއެވެ.
މި ފުރުސަތައް ހުޅުވާލައިފައިވަނީ މިއަދު ހެނދުނު 8:30 އިން ފެށިގެން މާދަމާ މެންދުރުފަހު 15:00 އަށެވެ.
އީސީއިން މިއަދު ނެރުނު އިއުލާނެއްގައި ބުނީ އެއްވެސް ފަރާތެއް ޝަކުވާ ހުށަހަޅަން ބޭނުންވާނަމަ އެކަމަށް އެދި ހުށަހެޅުމުގެ ފުރުސަތު "ވޯޓު ދިނުމުގެ ހައްގު ލިބިފައިވާ މީހުންގެ ރަޖިސްޓްރީއާ ބެހޭ ޝަކުވާ ހުށަހަޅާ ފޯމު" އިން އެފުރުސަތު ލިބިގެންދާނެކަމަށެވެ.
އަދި މި ފޯމު ލިބެން ހުންނާނީ ޝަކުވާ ފޯމު ހުށަހަޅާ ވެބްސައިޓް އަދި ކައުންސިލް އިދާރާތަކުން ކަމަށް އިއުލާންގައިވެއެވެ.
ފޯމު ދޫކުރުމާއި ބަލައިގަތުން އޮންނާނީ މާލެ ނޫން ރަށް ރަށުގައި އެރަށެއްގެ ކައުންސިލް އިދާރާއިންނެވެ. އަދި އައްޑޫ ސިޓީ އާއި ފުވައްމުލަކު ސިޓީގެ އަވަށްތަކުގެ އޮފީސްތަކުންނާއި ކުޅުދުއްފުށީ ސިޓީގެ ކައުންސިލް އިދާރާއިންނެވެ.މާލޭގައިނަމަ ދަރުބާރު ގެއިންނެވެ.
މީގެއިތުރުން ބުނީ ވޯޓުލާ މީހުންގެ ލިސްޓު http://elections.gov.mv ބެލެން ހުންނާނެ ކަމަށާއި އަދި VR space ID number ޖައްސަވާފައި 1414 އަށް އެސްއެމްއެސް ކޮށްގެން ނުވަތަ 1414 އަށް ގުޅައިގެން ވެސް މައުލޫމާތު ސާފުކުރެވެން ހުންނާނެކަމަށްވެސް ބުނިއެވެ.
