އެމެރިކާގެ ފްލޮރިޑާގެ ހުޅަނގަށް މިހާރު އަރައިގެން އުޅޭ ކެޓަގަރީ 3 ގެ "އިޑަލިއާ" ތޫފާނުގެ ސަބަބުން އެސަރަހައްދުން ދެމީހުން މަރުވެއްޖެއެވެ.
މިތޫފާނުގެ ސަބަބުން ފްލޮރިޑާގެ ހުޅަނގު އައްސޭރި ފަށުގައި ދިިރިއުޅޭ 140،000 ގެއިން ކަރަންޓް ކަނޑައިގެން ގޮސްފައިވާ ކަމަށާއި އަދި ގިނަ އަދަދެއްގެ މީޙުން ރައްކާތެރި ހިސާބުތަކަށް ބަދަލު ކުރަން ޖެހިފައިވާ ކަމަށް ފްލޮރިޑާގެ ކަމާ ބެހޭ އިދާރާތަކުން ހާމަ ކުރެއެވެ.
ތާފާނުގައި ބޯކޮށް ވާރޭ ވެހުމުގެ ސަބަބުން ބިންގަނޑު ކަނޑައިގެން ދިޔުމުގެ ހާދިސާތައް ހިނގަމުން އަންނަ ކަމަށާއި ތޫފާނުގެ ބާރު ކުރިއަށް އޮތް ދުވަސްތަކުގައި ދަތުރު ކުރާނީ އެމެރިކާގެ ދެކުނުގެ އަވަށްތަކާއި ދިމާއަށް ކަމަށް އެމެެރިކާގެ ހަރިކޭން ސެންޓަރުން ބުނެފައެވެ.
ފްލޮރިޑާގެ ހުޅަނގު އައްސޭރިފަށަކީ ކޮންމެ އަހަރެއްގެ މިދުވަސްވަރު ތޫފާންތައް އާންމުކޮށް އަރާ ސަރަަހައްދެކެވެ. މިދިޔަ އަހަރު ފްލޮރިޑާއަށް ކުރިމަތިވި އެކިއެކި ތޫފާންތަކުގައި 150 މީހުން މަރުވިކަމަށް ތަފާސް ހިސާބުތަކުން ދައްކައެވެ.
ފްލޮރިޑާއަށް ވަރުގަދަ ތޫފާނެއް އަރައި ބޮޑެތި ގެއްލުންތަކެއް ލިބެމުން ދަނީ މިދިޔަ ހަފްތާގައި ހަވާއީގެ ލުހައިނާގައި ހިނގި ވަރުގަދަ އަލިފާނުގެ ހާދިސާގައި އެމުޅިރަށް އަނދައި އަޅިއަށް ވުމުގެ ހިތާމައިގައި އެމެރިކާ ވަނިކޮށެވެ.
