ރައީސް އިބްރާހިމް މުހައްމަދު ސާލިހް މިއަދު ޤައުމާ މުޚާތަބު ކުރައްވާނެ ކަމަށް ރައީސް އޮފީހުން ބުނެފި އެވެ.
ރައީސް އޮފީހުގެ ތަރުޖަމާން މަބްރޫކް އަޒީޒު ކުރެއްވި ޓްވީޓެއްގައި ވިދާޅުވެފައިވަނީ، މިއަދު މެންދުރު 02:00 ގައި ރައީސް ސާލިހް ގައުމާއި މުޚާތަބު ކުރައްވާ ވާހަކަ ދައްކަވާނެ ކަމަށެވެ.
އެގޮތުން ކޮވިޑް-19 އާއި ގުޅޭގޮތުން ދެވެން ހުރި އެންމެ ފަހުގެ މައުލޫމާތު ހިއްސާ ކުރައްވާނެ ކަމަށް މަބްރޫކް ވިދާޅުވި އެވެ.
ރައީސް މިއަދު ގައުމާއި މުޚާތަބު ކުރައްވާއިރު، އިންޑިއާގެ އެހިތެރިކަމާއި އެކު ރާއްޖެއަށް ގެންނަ ވެކްސިންވެސް މިއަދު ރާއްޖެ ގެނައުމަށް ވަނީ ހަމަޖެހިފަ އެވެ.
