އަލްޝިފާ ހޮސްޕިޓަލުގެ އަޑީގައި ހަމާސްގެ ބިންގަރާސްތަކެއް އެބަހުރި ކަމަށް އިޒްރޭލް ޑިފެންސް ފޯސް (އައިޑީއެފް) އިން މައުލޫމާތުދީފިއެވެ.
ހައްދުފަހަނައަޅާފައިވާ ޔަހުދީ ދައުލަތުން ބުނެފައިވަނީ އެ ބިންގަރާސްތަކުގައި ގާއިމް ކޮށްފައިވަނީ ހަމާސްގެ "މެއިން ބޭސްތަކެއް" ކަމަށެވެ. އެތަންތަނަކީ އިޒްރޭލަށް ވައިގެ ހަމަލާދޭން ބޭނުންކުރާ ތަންތަން ކަމަށްވެސް ޔަހޫދީ ދައުލަތުން ބުނެފައިވެއެވެ. ހަމާސްގެ ކޮމާންޑް ސެންޓަރުވެސް ވަނީ އެ ބިންގަރާސްތަކުގައި ކަމަށް ވެސް އިޒްރޭލުން ވަނީ ބުނެފައެވެ.
އިޒްރޭލުން ދަނީ ޣައްޒާގެ އެކި އެކި ހޮސްޕިޓަލުތަކަށް ހަމަލާ ދެމުންނެވެ. އިޒްރޭލުގެ ހަމަލާ ތަކުގެ ސަބަބުން މިހާރު 7000 އަށް ވުރެގިނަ މީހުން ޣާއްޒާގައި ޝަހީދު ވެފައެވެ. މީގެ ތެރެއިން ބޮޑުބައެއް ހިއްސާކުރަނީ ކުޑަކުދިންނާއި އަންހެނުންނެވެ.
