ސެއިންޓް ލޫޝާގެ 45 ވަނަ މިނިވަންދުވަހުގެ މުނާސަބަތުގައި، ސެއިންޓް ލޫޝާގެ ބޮޑުވަޒީރު ފިލިޕް ޖޮސެފް ޕިއާރ އަދި ވަގުތީ ގަވަރނަރ ޖެނެރަލް ސިރިލް އީ. އެމް. ޗާރލްސްއަށް ރައީސުލްޖުމްހޫރިއްޔާ ޑޮކްޓަރ މުހައްމަދު މުއިއްޒު ތަހުނިޔާ ވިދާޅުވެ މެސެޖް ފޮނުއްވައިފިއެވެ.
ރައީސް، އެ ދެބޭފުޅުންނަށް ވަކިވަކިން ފޮނުއްވި މެސެޖުގައި، އެމަނިކުފާނު ވަނީ ސެއިންޓް ލޫޝާގެ މިނިވަން ދުވަހުގެ މުނާސަބަތުގައި ވަރަށް އިހްލާސް ތެރިކަމާއެކު ތަހުނިޔާ އާއި ހެޔޮއެދުންތައް އަރިސްކުރައްވާފައެވެ.
އެމަނިކުފާނު ފޮނުއްވި ދެ މެސެޖުވެސް ނިންމަވާލައްވަމުން އެމަނިކުފާނު ވަނީ ސެއިންޓް ލޫޝާގެ ރައީސަށާއި ވަގުތީ ގަވަރނަރ ޖެނެރަލްއަށް، ދުޅަހެޔޮކަމާއި ފުރިހަމަ ސިއްހަތަކަށް އެދިވަޑައިގެން، ސެއިންޓް ލޫޝާގެ ރައްޔިތުންނަށް އުފާފާގަތިކަމާއި ކުރިއެރުމަށް އެދިވަޑައިގެންފައެވެ.
