ކުށުގެ ވެއްޓަށް ހުށަހެޅޭ ކުދިން ރިހެބިލިޓޭޓްކުރަން ސަރުކާރުން ތަރައްގީކުރާ ''ހޯޕް އައިލެންޑް'' ގެ މަސައްކަތް ފަށައިގެން ކުރިއަށްދާ ކަމަށް ހޯމް ލޭންޑް ސެކިއުރިޓީ މިނިސްޓަރު އަލީ އިހްސާން ވިދާޅުވެއްޖެއެވެ.
މިނިސްޓަރ މިހެން ވިދާޅުވެފައިވަނީ އެ މިނިސްޓްރީން އިއް ޔެއިސްކަންދަރު ކޮށީގައި ބޭއްވި ނޫސްވެރިންގެ ބައްދަލުވުމުގައެވެ.
މިނިސްޓަރ އިހުސާން އިތުރަށް ވިދާޅުވީ ކުށުގެ ވެއްޓަށް އަރައިގަންނަ 18 އަހަރު ނުފުރޭ ކުދިންނަށް ރިހެބިލިޓޭޝަން ދިނުމުގެ މަސައްކަތް ސަރުކާރުން އަންނަނީ ކުރަމުން ކަމަށާއި ސަރުކާރުގެ ވިސްނުމަކީ ކުށުގެ ވެއްޓަށް ހުށަހެޅޭ ކުދިން ހަރުދަނާ ބައެއްގެ ގޮތުގައި ހަދައި މުޖުތަމައަށް ނެރުން ކަމަށެވެ.
މީގެއިތުރުން ވަކި ރަށެއް މިކަމަށް ގާއިމުކޮށް ޕްރޮގްރާމްތަކެއް ހިންގުމަކީވެސް މި ސަރުކާރުގެ ވިސްނުމުގައި ގެންގުޅުއްވާ ކަމެއް ކަމަށާއި އަދި ''ހޯޕް އައިލެންޑް''ގެ ނަމުގައި މި ރަށް ގާއިމުކުރުމުގެ ތައްޔާރީތައް ކުރިއަށް ދާކަމަށާއި އަދި މި ކަމުގެ ނަތީޖާއަކަށް ވާނީ ގޮތުން މުޖުތަމައުއަށް ބޭނުންތެރި ބަޔަކަށް ވެގެން ދިޔުން ކަމަށް އިހުސާން ވިދާޅުވިއެވެ.
އިހުސާން ވިދާޅުވީ އެކުދިންނަށް 18 އަހަރުވިމުން ފުލުހުން ނުވަތަ ސިފައިންގެ ހިދުމަތައް ވެއްދުން އަދި ވަކި މުއްދަތަކަށްފަހު އެކުދިން ބޭނުންވާ ދާއިރާ އަށް ނިކުތުމުގެ ފުރުސަތު ލިބިގެން ދާނެ ކަމަށެވެ.
