މައްކާގެ ޑެޕިއުޓީ އަމީރު ޕްރިންސް ސައުދު ބިން މިޝަލް ކުރިއަށް އޮތް ހައްޖުގެ އަޅުކަމަށް ތައްޔާރުވެފައިވާ މިންވަރު ބައްލަވާލެއްވުމަށް މަސްޖިދުލް ޙަރަމް އަދި މައްކާގެ ސަރަހައްދުތަކަށް ޒިޔާރަތް ކުރައްވައިފިއެވެ.
މި އިންސްޕެކްޝަނަކީ ޙައްޖުވެރިންނަށް ފަސޭހަކަމާއި ރަނގަޅަށް އިންތިޒާމުކުރެވިފައިވާ ތަޖުރިބާއެއް ހޯދައިދިނުމަށް ސަޢޫދީ ލީޑަރޝިޕްގެ އިރުޝާދުތަކާ އެއްގޮތްވާ ގޮތަށް ކަންކަން ރޭވިފައިވޭތޯ ޔަގީން ކުރެއްވުމެވެ.
ޕްރިންސް ސައުދު ވަނީ ހައްޖަށް މުހިންމު އެކި ތަންތަނަށް ޒިޔާރަތް ކުރައްވައި، އަރަފާތާއި މުޒްދަލިފާ އަދި މިނާގެ ހައްޖުވެރިންގެ ހިޔާ ސެންޓަރުތައް ވެސް ބައްލަވާލައްވާފައެވެ. އަދި ޖަބަލް އަލް ރަހްމާ ތަރައްގީ ކުރުމާއި މުޒްދަލިފާ ދިސްއެމްބާކްމަންޓް ސްޓޭޝަންތައް ބޮޑުކުރުން ފަދަ އުމްރާނީ ތަރައްގީގެ މަޝްރޫއުތައް ކުރިއަށްދާ ގޮތްވެސް ބައްލަވާލެއްވިއެވެ. މި ހަރަކާތްތަކުގެ އަމާޒަކީ ޕަބްލިކް ޓްރާންސްޕޯޓް ހަރުދަނާކުރުމާއި، ހައްޖުގެ އަޅުކަން އަދާކުރުމުގެ ކެޕޭސިޓީ އިތުރުކޮށް، ހައްޖުގެ އަޅުކަމުގައ ހައްޖާޖީންގެ ހިތްހަމަޖެހުން އިތުރުކުރުމެވެ.
ޑެޕިއުޓީ އަމީރު ވަނީ ހައްޖުވެރިންނަށް ތިމާވެއްޓާ ރައްޓެހި މަގެއް ހެދުމަށް ފަރުމާކޮށްފައިވާ މަޝާއިރު ޕާތު ޕްރޮޖެކްޓްގެ ފުރަތަމަ ފިޔަވަހި ވެސް ބައްލަވާލައްވައިފައެވެ. މި ޕްރޮޖެކްޓްގެ ދަށުން ހިނގާ ބިނގާވެ އުޅޭ މީހުންނާއި ހާއްސަކޮށް އުމުރުން ދުވަސްވީ މީހުންނާއި ނުކުޅެދުންތެރިކަން ހުންނަ ފަރާތްތަކަށް ފަސޭހަ ވަނޭ ގޮތްތަކެއް ހޯދައިދިނުން ހިމެނެއެވެ.
ޕްރިންސް ސައުދުގެ ދަތުރުފުޅު ނިންމަވާލެއްވީ މިނާގައި ހުންނަ ސަރުކާރުގެ ޑިޕާޓްމަންޓްކޮމްޕްލެކްސްއަށް ޒިޔާރަތް ކުރައްވައިގެންނެވެ. ހައްޖުވެރިންނަށް ޖާގަ ހުސްކުރުމަށް ބަދަލުކޮށްފައިވާ މި ކޮމްޕްލެކްސްއިން ހައްޖު އޮޕަރޭޝަނަށް ބޭނުންވާ ޒަރޫރީ ހިދުމަތްތައް ދެމުން ގެންދާނެއެވެ.
މި އިންސްޕެކްޝަނުން ޙައްޖުވެރިންނަށް ރައްކާތެރި މާޙައުލެއް ޤާއިމުކުރުމަށް ސަޢޫދީ ޢަރަބިއްޔާއިން ކުރަމުންދާ މަސައްކަތް ދައްކައިދެއެވެ.
