އިރާނުގެ ރައީސް، އިބްރާހިމް ރައިސީ ހެލިކޮޕްޓަރު ވެއްޓި އަވަހާރަވުމާއި ގުޅިގެން ޖޫން މަހުގެ 28 ވަނަ ދުވަހު އިރާނުގައި ރިޔާސީ އިންތިހާބު ބާއްވާނެކަން އިއުލާންކޮށްފި އެވެ.
ރައީސީ އަވަހާރަ ވުމާއި ގުޅިގެން މިހާރު އިރާނުގެ ރައީސްގެ ހުރިހާ މަސްއޫލިއްޔަތުތަކާއި ހަވާލުވެ ހުންނެވީ އެގައުމުގެ ނައިބު ރައީސް މުހައްމަދު މުހްބެރްއެވެ. އަދި އިރާނުގެ އައު ރައީސްއެއް އައްޔަނުކުރުމަށް ޓަަކައި ޖޫން މަހުގެ 28 ވަނަ ދުވަހު އަލުން ރިޔާސީ އިންތިހާބު ބޭއްވޭނެއެވެ. މިކަން އިރާނުގެ މީޑިއާތަކުން އިއުލާޏު ކޮށްފައިވަނީ އިއްޔެގެ ވަގުތެއްގައެވެ. އިރާނުގެ ސްޓޭޓް މީޑިއާއިން ބުނާ ގޮތުގައި ޖޫން 28ގައި އިރާނުގެ އިންތިހާބު ބޭއްވުމަށް އިރާނުގެ ގާނޫނު ހަދާ މަޖިލީސް އަދި ސަރުކާރުން ވަނީ ރުހުން ދެއްވާފައެވެ.
