ކުރިއަށް އޮތް ޔޫރޯއަށް ނެރޭ ސްކޮޑު އިޓަލީއިން އިއުލާނުކޮށްފިއެވެ.
އިޓަލީ އިއުލާނުކުރި ސްކޮޑުގައި ޖުމްލަ 30 ކުޅުންތެރިން ތިބި ކަމަށް ވާތީ އަދި އެ ލިސްޓުން ހަތަރު ކުޅުންތެރިން އުނިކުރެވިގެންދާނެއެވެ. ޔޫރޯއަށް ކޮންމެ ޓީމަކަށް ވެސް ހުއްދަ ލިބިފައިވަނީ 26 ކުޅުންތެރިންގެ ސްކޮޑެކެވެ.
އެންމެ ފަހުގެ ޗެމްޕިއަނުން ކަމުގައިވާ އިޓަލީގެ ސްކޮޑުގައި ހިމެނެނީ 4 ގޯލްކީޕަރުން, 10 ޑިފެންޑަރުން, 8 މިޑްފީލްޑަރުން އަދި 7 ފޯވާޑުންނެވެ.
މި ދިޔަ ސީޒަނުގައި ނަޕޯލީއަށް އިޓާލިއަން ސެރިއާ ކާމިޔާބު ކޮށްދިން ހުނަރުވެރި ލޫސިއާނޯ ސްޕެލެޓީ ކޯޗެއްގެ ގޮތުގައި ހަމަޖައްސައިގެން ޔޫރޯއަށް ނިކުންނަ އިޓަލީ އޮތީ ގްރޫޕު "ބީ" ގައެވެ. "ގްރޫޕް އޮފް ޑެތު" ގެ ނަމުން ނަން ދެވިފައިވާ މި ވަރުގަދަ ގްރޫޕުގައި އިޓަލީގެ އިތުރުން ހިމެނެނީ ސްޕެއިން, ކްރޮއޭޝިއާ އަދި އަލްބޭނިއާއެވެ.
ޖޫން މަހުގެ 15 ވަނަ ދުވަހު ފެށިގެންދާ ޔޫރޯގައި އިޓަލީ އެންމެ ފުރަތަމަ ކުޅެން ހަމަޖެހިފައިވަނީ 16 ޖޫން ވާ ދުވަހު 00:00 ގައެވެ. މި މެޗުގައި އިޓަލީ ނިކުންނާނީ އަލްބޭނިއާއާ ދެކޮޅަށެވެ.
