ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު، އެންޓިގުއާ އެންޑް ބާބުޑާގައި މިހާރު ކުރިއަށްދާ ހަތަރުވަނަ އިންޓަރނޭޝަނަލް ކޮންފަރެންސް އޮން ސްމޯލް އައިލެންޑް ޑިވެލޮޕިންގ ސްޓޭޓްސް (ސިޑްސް4) ގައި ކިންގްޑަމް އޮފް ޓޮންގާގެ ބޮޑުވަޒީރު ސިއާއޯސީ އޮފަކިވަހަފޯލާއު ސޮވަލެނީ އާ ބައްދަލުކުރައްވައިފިއެވެ.
ސްމޯލް އައިލެންޑް ޑިވެލޮޕިންގ ސްޓޭޓްސް (ސިޑްސް) ގެ ތަރައްޤީގެ ލަނޑުދަނޑިތައް ޙާޞިލުކުރުމުގައި ފުދުންތެރިކަން ޙާޞިލުކުރުމުގެ މުހިންމުކަމުގެ މައްޗަށް ދެބޭފުޅުން މިބައްދަލު ކުރެއްވުމުގައި މަޝްވަރާކުރެއްވިއެވެ.
މީގެ އިތުރުން މަލްޓިލޭޓަރަލް ކްލައިމެޓް ފަންޑުގެ ވަސީލަތްތައް އިތުރަށް ހަރުދަނާ ކުރެވޭނެ ގޮތްތަކާ ބެހޭ ގޮތުން ވެސް ދެ ބޭފުޅުން މަޝްވަރާ ކުރައްވާފައިވެއެވެ.
މީގެ އިތުރުން، މޫސުމީ ކާރިސާއިން އަރައިގަތުމަށް މަސައްކަތްކުރައްވާނެކަމުގެ ޔަޤީންކަން ދެބޭފުޅުން ވެސް ދެއްވިއެވެ. އަދި ދެމެހެއްޓެނިވި ތަރައްޤީއާއި ތަނަވަސްކަން އެންމެންނަށް ހޯދައިދިނުމަށް ގުޅިގެން މަސައްކަތްކުރައްވާނެކަމަށް ދެބޭފުޅުން ވިދާޅުވިއެވެ،
