ރައީސުލްޖުމްހޫރިއްޔާ ޑޮކްޓަރ މުހައްމަދު މުއިއްޒު، ސިވިލް ސަރވިސް ކޮމިޝަނުގެ މެންބަރުކަމަށް ބޭފުޅަކު އައްޔަން ކުރައްވައިފިއެވެ.
މިކަމަށްޓަކައި ބޭއްވި ރަސްމިއްޔާތު އޮތީ މިއަދު ހެނދުނު ރައީސް އޮފީހުގައެވެ.
ސިވިލް ސަރވިސް ކޮމިޝަނުގެ މެންބަރުކަމަށް ރައީސް މިއަދު އައްޔަންކުރެއްވީ ދަފްތަރު. ނަންބަރު ރސ 9472، ފާތިމަތު ހަބީބާއެވެ.
މި ރަސްމިއްޔާތުގައި ސިވިލް ސަރވިސް ކޮމިޝަނުގެ މެންބަރުކަމުގެ ހުވާ ލައިދެއްވީ ސުޕްރީމް ކޯޓުގެ ފަނޑިޔާރު އޮނަރަބަލް ޑޮކްޓަރ މުހައްމަދު އިބްރާހީމެވެ. އަދި ސިވިލް ސަރވިސް ކޮމިޝަންގެ މެންބަރުކަމަށް ޢައްޔަން ކުރެއްވި ކަމުގެ ލިޔުން، މިރަސްމިއްޔާތުގައި ފާތިމަތު ހަބީބާއާ ރައީސް ވަނީ އަރުވާފައެވެ.
ތިނޫނަސް މީހުން އެބަތިބިދޯ ކަންކަމަށް މީހުން އިސްކުރާއިރު ގާބިލްކަން ބަލާ މިންގަނޑު މިހާރަށްވުރެ ރަނގަޅުކޮށްލުމަކީ އިތުރަށް ރަނގަޅު ކުރެވިދާނެ ކަމެއް ކަމަށް ގަބޫލުކުރަން