ފަލަސްތީނު ރައްޔިތުންނަށް އެހީތެރިވުމުގެގޮތުން ރާއްޖޭގައި ކުރިއަށް ގެންދާ ގައުމީ ޓެލެތޯނަށް ރޯޑް ޑިވެލޮޕްމެންޓް ކޯޕަރޭޝަން (އާރްޑީސީ) އިން އެ ކޯޕަރޭޝަނުންގެ މުވައްޒަފުންގެ އެއް ދުވަހުގެ މުސާރަ ހަދިޔާކޮށްފިއެވެ.
އާރްޑީސީން މިކަން ހާމަކޮށްފައިވަނީ އެ ކޯޕަރޭޝަނުން އެކްސްގައި ކޮށްފައިވާ ޕޯސްޓެއްގައެވެ.
އެގޮތުން އެ ކޯޕަރޭޝަންގެ ފަރާތުން ފަލަސްތީނު ފަންޑަށް މުޅި ޖުމުލަ ހަދިޔާ ކޮށްފައިވަނީ 210,594.95 ރުފިޔާއެވެ.
މީގެއިތުރަށް އާރްޑީސީން ބުނީ އެ ކޯޕަރޭޝަންގެ މުވައްޒަފުން އަބަދުވެސް ދެމިތިބޭނީ ފަލަސްތީނުގެ ރައްޔިތުންނާއެކުކަމަށެވެ.
ޕީއެސްއެމް އާއި މީޑިއާތައް ގުޅިގެން ''ފަލަސްތީނާއެކު ދިވެހީން'' ގެ ނަމުގައި މިއަދު ހެނދުނު 8:00 ގައި ފެށި ޓެލެތޯން މިރޭ 12:00 ގެ ނިޔަލަށް ކުރިއަށްދާނެއެވެ. އެގޮތުން މި ޓެލެތޯނުގައި މާލެ ސަރަހައްދުގައި 13 ފަންޑު ފޮއްޓެއް ބަހައްޓާފައިވެއެވެ.
