ކޮވިޑް ޖެހިގެން 78 އަހަރުގެ ދިވެއްސަކު ނިޔާވެއްޖެއެވެ.
ހެލްތް އިމަޖެންސީ އޮޕަރޭޝަން ސެންޓަރު (އެޗްއީއޯސީ)އިން ބުނެފައިވަނީ، ރޭ 08:12 ހާއިރު އުމުރުން 78 އަހަރުގެ އަންހެނަކު އެމަޖެންސީގައި އައިޖީއެމްއެޗްއަށް ގެނެސްފައިވާކަމަށެވެ. އަދި އެމީހާ ހޮސްޕިޓަލަށް ގެނައި އިރުވެސް މަރުވެފައިވާކަމަށާއި، އެމީހާ ކޮވިޑް-19 އަށް ޕޮޒިޓިވް ވެފައިވާކަމަށެވެ.
މިއީ ރާއްޖެއިން ކޮވިޑް-19 ޖެހިގެން މަރުވި 57 ވަނަ މީހާއެެވެ.
ރާޖޭގައި ކޮވިޑް-19 ގެ ހާލަތު ގޯސްވެ ރައްކާތެރިކަމުގެ ފިޔަވަޅުތައް އެޅުމަށް ކަމާބެހޭ އިދާރާތަކުން އަންނަނީ އިރުޝާދުދެމުންނެވެ. އަދި ބައްޔަށް ޕޮޒިޓިވްވާ މީހުންގެ އަދަދު ދުވަހަކަށްވުރެއް ދުވަހެއް އިތުރުވަމުން އަންނާތީ ފިޔަވަޅުތައް ވަނީ ހަރުކަށި ވަރުގަދަކޮށްފައެވެ.
