ޖަރުމަނުގައި ކުރިއަށްދާ ޔޫރޯގެ ކުއާޓާ ފައިނަލުގެ މެޗުތައް މާދަމާ ރޭ ފަށުމަށް ވަނީ ހަމަޖެހިފައެވެ.
24 ޓީމާއެކު ފެށިގެންދިޔަ ޔޫރޯގެ ކުއާޓާ ފައިނަލާ ހަމައަށް މުބާރާތް ފޯރާފައިވާއިރު މި އަހަރުގެ ޔޫރޯ ވެސް ފެނިގެންދަނީ ވަރަށް ފޯރިގަދަ ކޮށެވެ.
ޔޫރޯގެ ގަދަ އަށަކާ ހަމައަށް އައިސްފައިވާ އިރު އެންމެ ފާހަގަ ކޮށްލެވޭ ކަމަކީ މުބާރާތުގައި ވަރުގަދަ ކޮށް ފެންނާނެ ކަމަށް ގިނަ ބަޔެއް ލަފާ ކުރި ބައެއް ޓީމުތައް މުބާރާތަށް އަލްވަދާއު ކިޔާފައިވާ ކަމެވެ. އޭގެ ތެރެއިން އެންމެ ފާހަގަކޮށްލެވޭ ޓީމުތަކަކީ, އެންމެ ފަހުގެ ޗެމްޕިއަނުން އިޓަލީ, ބެލްޖިއަމް އަދި ކްރޭޝިއާއެވެ. އިޓަލީ އަދި ބެލްޖިއަމް މުބާރާތުގެ ދެވަނަ ބުރުން ކަޓާފައިވާ އިރު, ކްރޭޝިއާ ކަޓާފައިވަނީ ގްރޫޕު ސްޓޭޖުންނެވެ.
މި އަހަރުގެ ޔޫރޯގެ ކުއާޓާއަށް ދަތުރު ކުރި އަށް ޓީމުތަކުގެ ތެރެއިން އެންމެ ފާހަގަކޮށްލެވޭ ދެ ޓީމަކީ ތުރުކީ އަދި ސުވިޒަލޭންޑެވެ. ފުޓުބޯޅަ ދުނިޔޭގައި ނަން މަޝްހޫރު ޓީމުތަކަކަށް ނުވިއަސް, މި ދެ ޓީމު ވަނީ ޔޫރޯގައި ތަފާތު ކުޅުމެއް ދައްކާ މުބާރާތުގެ ކުއާޓާގެ ޖާގަ ކަށަވަރުކޮށްފައެވެ. މި ދެޓީމުގެ އިތުރުން ޔޫރޯގެ ކުއާޓާގައި ވާދަކުރަނީ ފްރާންސް, ޕޯޗުގަލް, ޖަރުމަނު, ސްޕެއިން, އިނގިރޭސި ވިލާތް އަދި ނެދަލޭންޑްސްއެވެ.
ކުއާޓާ ފައިނަލުގައި ކުޅެވިގެންދާނެ މެޗުތައް:
ސައިޑް 1
- ނެދަލޭންޑްސް - ތުރުކީ
- އިނގިރޭސި ވިލާތް - ސުވިޒަލޭންޑް
ސައިޑް 2
- ޖަރުމަނު - ސްޕެއިން
- ޕޯޗުގަލް - ފްރާންސް
ޔޫރޯގެ ކުއާޓާ ފައިނަލުގެ ފުރަތަމަ މެޗު ފެށޭނީ މާދަމާ ރޭ ރާއްޖެ ގަޑިން 21:00 ގައެވެ. މި ފޯރިގަދަ މެޗުގައި ވާދަކުރާނީ ސްޕެއިން އަދި ޖަރުމަނެވެ.
