މާލޭ ހުކުރު މިސްކިތް މާދަމާ އަސުރު ނަމާދުން ފެށިގެން އަލުން ހުޅުވާގޮތަށް މިނިސްޓްރީ އޮފް އަރޓްސް ކަލްޗަރ އެންޑް ހެރިޓޭޖުން ހަމަޖައްސައިފިއެވެ.
މިނިސްޓްރީ އޮފް އަރޓްސް ކަލްޗަރ އެންޑް ހެރިޓޭޖުން ވިދާޅުވީ މިސްކިތުގައި އަލުން ނަމާދުކުރުމަށް ހުޅުވުމަށް ވާންޖެހޭ ފަހުގެ ތައްޔާރީތަށް މިހާރު ކުރިއަށްދާކަމަށެވެ.
މާލެ ހުކުރު މިސްކިތުގެ އަބާތުރަފިލުވުމަށް ބަންދުކޮށްފައިވަނީ މިދިޔަ އަހަރުގެ ސެޕްޓެމްބަރު މަހުއެވެ. އެއް އަހަރު ދުވަހަށް މިސްކިތް ބަންދުކޮށްފައިވަނީ އާބާތުރަ ފިލުވުމުގެ މަސައްކަތް ކުރުމަށެވެ. އާބާތުރަފިލުވުމުގެ މަސައްކަތުގެދަށުން މިސްކިތުން ކަތުރުފަނި ނައްތާލުމުގެ ފަރުވާ ދިނުމާއި، ހިރިގަލަށް ފަރުވާދިނުމާއި އަދި ކާޕެޓު ނަގައި ދިގުމުއްދަތަށް ދެމިހުންނާނެ ނެވިލޯންވަނީ ފްލޯގައި އަޅާފައެވެ.މި މަސައްކަތް ކުރިއަށްގެންދަނީ އިންޑިއާގެ ޓީމެއްކަމަށްވާ "އަރކިއޮލޮޖިކަލް ސަރވޭ އޮފް އިންޑިއާ"އިންނެވެ.
މީގެ އިތުރުން ހުކުރު މިސްކިތު މުންނާރު އާބާތުރަ ފިލުމުގެ މަސައްކަތްވެސްދަނީ ކުރިއަށްގެންދަމުންނެވެ. އެ މަސައްކަތް ކުރިއަށްގެންދަނީ ސްޓެލްކޯއިންނެވެ.
މިނިސްޓްރީ އޮފް އަރޓްސް އިން ވިދާޅުވީ ހުކުރު މިސްކިތް މާދަމާ ހުޅުވަން ހަފްތާގައި ހުޅުވަން ނިންމީ މި ހަފްތާއަކީ އިސްލާމީ ދުނިޔޭގެ ޤައުމުތަކުން ފާހަގަކުރާ "ހެރިޓޭޖް ޑޭ އިން ދަ އިސްލާމިކް ވަރލްޑް" ދުވަސް ފާހަގަކުރާ ހަފްތާކަމަށްވާތީ އެއާ ގުޅުވައިގެންކަމަށް ހެރިޓޭޖް މިނިސްޓްރީން ވިދާޅުވެއެވެ.
މިއަހަރުގެ "ހެރިޓޭޖް ޑޭ" ގެ ޝިއާރަކީ އާސާރީ ބިނާތަކާއި، ތަރިކައާއި ތާރީޚީ ތަންތަން އަދި ދާރުލް އާސާރުތަކަށް ލިބޭ ގެއްލުންތައް ޙައްލުކުރުމުގައި ޒަމާނީ ޓެކްނޮލޮޖީ ބޭނުންކުރުމެވެ.
