4:35 އިރާނުން އިޒްރޭލަށް ހަމަލާ ދިނުން އެންމެ ކައިރީ މިފެށޭ ހަފްތާގައި ކަމަށް އެމެރިކާގެ އޮފިޝަލަކާ ހަވާލާދީ ވަރލްޑް ސްޓްރީޓް ޖާނަލްއިން ބުނެފި.

4:06 ލުބްނާނާއި ސީރިޔާ ގުޅޭ ބޯޑަރު ކައިރިއަށް އިޒްރޭލުން ވައިގެ މަގުން ހަމަލާދީފި. "ލެބްނަން ޓްރެންޑް" ނޫހުން ބުނާ ގޮތުގައި މިހަމަލާގައި އެއްވެސް މީހަކަށް އަނިޔާވެފައެއް ނުވޭ.

3:28 ހަނިއްޔާ އަވާރަކޮށްލުމަކީ ކުރަންޖެހޭ ކަމެއްކަމަށް ދޭހަފަދަ މޭރުމުން އެމެރިކާގެ ޤާނޫނުހަދާ މަޖިލީހުގެ ބައެއް މެމްބަރުން ވާހަކަ ދައްކައިފި

3:14 ހަނިއްޔާ އަވާރަކޮށްލީ އެމަނިކުފާނު ހުންނެވި ހޮޓަލުގައި ބޮމެއް ގޮއްވާލައިގެން ކަމަށް ގަބޫލް ނުކުރާ ކަމަށް ހަމާސް ޖަމާއަތުން ބުނެފި. ލަންޑަނުގައި ހިންގަމުން އަންނަ "އަލް އަރަބީ-އަލް ޖަދީދު" ނޫހަށް މައުލޫމާތު ދެއްވަމުން ހަމާސްގެ އޮފިޝަލެއް ކަމުގައިވާ ޚާލިދު ޤައްދޫމީ ވިދާޅުވީ ހަމަލާ އަމާޒުވެފައި ހުރީ ހަނިއްޔާ ހުންނެވި ކޮޓަރިކޮޅުގެ މަތިން ތިރިއަށް ކަމަށެވެ.

"ހަށިގަނޑަށް ލިބިފައިވާ ގެއްލުންތަކަށާއި އިމާރާތަށް ގެއްލުންތަކަށް ބަލާއިރު ވައިގެތެރެއިން އައި އެއްޗަކުން ގެއްލުން ލިބިފައި ހުރިކަމަށް ފެންނަނީ" ޤައްދޫމީ ވިދާޅުވިއެވެ.

3:04 އެމެރިކާގެ ދިފާއީ ވުޒާރާ [ޕެންޓަގަން]: މެދުއިރުމައްޗަށް ހަނގުރާމަ މަތީ މަނަވަރުތަކާއި ޑެސްޓްރޯޔަރތައް ދިޔުމަށް އެމެރިކާގެ ސެކްރެޓަރީ އޮފް ޑިފެންސް އަމުރު ކުރައްވައިފި

ފަލަސްތީނުގެ މިނިވަންކަމަށްޓަކައި ޖިހާދު ކުރަމުން އަންނަ ހަމާސް ޖަމާއަތުގެ ސިޔާސީ ގޮފީގެ ލީޑަރު އިސްމާއިލް ހަނިއްޔާ މިދިޔަ ބުދަ ދުވަހު އިރާނުގެ ހޮޓަލެއްގައި ހުންނަވަނިކޮށް ބޮމުގެ ހަމަލާއެއްދީ އެމަނިކުފާނު އަވަހާރަކޮށްލި ހާދިސާގެ ބަދަލު ހިފުމުގެ ގޮތުން މިރޭ އިރާނުން އިޒްރޭލަށް ހަމަލާދޭނެ ކަމުގެ ނިޝާންތައް ފެންނަމުންދާ ކަމަށް މީޑިޔާ ރިޕޯޓުތައް ބުނެފިއެވެ.

އިރާނުން ދީފާނެ ހަމަލާއެއްގެ ބިރަށް އިޒްރޭލުގެ އެތައް ސަތޭކަ ބަޔަކު އެއްފަހަރާ ތެލްއަވީވުގެ މައި އެއަރޕޯޓަށް ވަނުމުގެ ސަބަބުން އެއަރޕޯޓުގެ ވެބްސައިޓުގެ ޚިދުމަތް ވަނީ މެދުކެނޑިފައެވެ. އަދި ޔޫރަޕާއި އޭޝިޔާގެ ވަރަށް ގިނަ އެއަރލައިންސްތަކެއްގެ ދަތުރުތައް ކެންސަލްކުރިކަން ވަނީ މިރޭ އިއުލާން ކޮށްފައެވެ. މީގެ ތެރޭގައި ތުރުކިޝް އެއަރލައިން ފާހަގަ ކޮށްލެއެވެ.

އިރާނާއި އެގައުމުގެ ތާއީދު އޮތް ހިޒްބުﷲ ޖަމާއަތް އަދި ޔަމަނުގައި ހަރަކާތްތެރިވަމުން އަންނަ އިރާނުގެ މަދަދު ލިބޭ ހޫތީންގެ ހަމަލާއަކުން އިޒްރޭލު ދިފާއު ކުރުމަށް މިހާރު މެދުއިރުމައްޗަށް އެމެރިކާއިން ފޮނުވާފައިިވާ ބޮންއަޅާ ބޯޓްތަކުގެ އިތުރުން އިތުރު ބޯޓުތަކެއް ފޮނުވުމަށް މަސައްކަތް ކުރަމުން އަންނަކަމަށް މީގެ ކުޑައިރުކޮޅެއް ކުރިން އެމެރިކާއިން ވަނީ ހާމަކޮށްފައެވެ.

އިތުރު ލިޔުންތައް އިޒްރޭލް - އިރާން ކޯޅުން އީރާން