މާލޭ ވިޔަފާރި ބަނދަރަށް ބާލާފައި ހުރި މުދަލުގެ ތެރެއިން ނުގެންގޮސް ހުރި މުދާ ނީލަމަށް ވިއްކާލުމަށް މޯލްޑީވްސް ޕޯރޓްސް ލިމިޓެޑް (އެމްޕީއެލް) އިން ނިންމައިފިއެވެ.
އެމްޕީއެލްއިން ވިދާޅުވީ މި ނީލަމުގައި ބައިވެރިވޭނީ އޮކްޝަން ޕޯޓަލްއަށް ސަބްސްކްރައިބް ކުރައްވާ ފަރާތަކަށްކަމަށެވެ.
އެމްޕީއެލްއިން އިރުތަށް ވިދާޅުވީ މި މުދާތަކުގެ ނީލަން ބާއްވާން ހަމަޖެހިފައިވަނީ 4 ސެޕްޓެމްބަރު 2024 ވަނަ ދުވަހުގެ މެންދުރުފަހު 14:00 އިން ފެށިގެން 5 ސެޕްޓެމްބަރު 2024 ވަނަ ދުވަހުގެ މެންދުރުފަހު 14:00 ގެ ނިޔަލައްކަމަށެވެ. އަދި މުދާ ބެލުމުގެ ފުރުސަތު 3 ސެޕްޓެމްބަރު 16:30 އިން ފެށިގެން ހުޅުވޭނެ ކަމަށް އެމްޕީއެލްއިން ވިދާޅުވިއެވެ. މުދާ ބެލުމަށް ނަން ނޯޓު ކުރުމަށް 3 ސެޕްޓެމްބަރު 15:30 ގެ ކުރިން އޮކްޝަން ޕޯޓަލް މެދުވެރިކޮށް މުދާ ބެލުމަށް ރިކުއެސްޓުކުރުމަށްވެސް އެމްޕީއެލްއިން އެދިލައްވާފައިވެއެވެ.
މީގެ އިތުރުން، 10 ސެޕްޓެމްބަރު 2024 ވަނަ ދުވަހުގެ މެންދުރުފަހު 14:00 އިން ފެށިގެން 11 ސެޕްޓެމްބަރު 2024 ވަނަ ދުވަހުގެ މެންދުރުފަހު 14:00 ގެ ނިޔަލަށްވެސް އިތުރު ނީލަމެއް އޮންނާނެކަމަށް އެމްޕީއެލްއިން ހާމަކުރިއެވެ. މި ނީލަމުގެ މުދާ ބެލުމުގެ ފުރުސަތު 9 ސެޕްޓެމްބަރު 16:30 އިން ފެށިގެން ހުޅުވޭނެ ކަމަށް އެކުންފުނިން ވިދާޅުވިއެވެ. އަދި މުދާ ބެލުމަށް ނަން ނޯޓު ކުރުމަށް 9 ސެޕްޓެމްބަރު 15:30 ގެ ކުރިން އޮކްޝަން ޕޯޓަލް މެދުވެރިކޮށް މުދާ ބެލުމަށް ރިކުއެސްޓުކުރުމަށް އެމްޕީއެލްއިން އެދިލައްވާފައިވެއެވެ.
މި ދެ ނީލަމުގައި ވިއްކާ ތަކެތި ތެރޭގައި ލަކުޑިއާއި ފޮތި ކޮތަޅާއި އެހެނިހެން ތަކެތި ހިމޭ ކަމަށް އެމްޕީއެލްއިން ހާމަކުރިއެވެ.
