ކޮވިޑުން ރައްކާތެރިވުމަށް ރާއްޖޭގައި ހިންގާ ވެކްސިނޭޝަން ޕްރޮގްރާމުގެ ދަށުން އިއްޔެ 7،818 މީހަކު ވެކްސިން ޖަހައިފިއެވެ.
މީގެ ކުރިން އެއް ދުވަހާ އެންމެ ގިނަ މީހުން ވެކްސިން ޖަހާފައި ވަނީ މިދިޔަ އަންގާރަ ދުވަހުއެވެ. އެ ދުވަހު 6،230 މީހަކު ވެކްސިން ޖެހިއެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ބުނީ މިދިޔަ 24 ގަޑިއިރުގެ ތެރޭގައި (އިއްޔެ ހަވީރު 6:00 އިން މިއަދު ހަވީރު 6:00 އަށް) ރާއްޖޭގައި 7،818 މީހަކަށް ވެކްސިން ދީފައިވާ ކަމަށެވެ. އެއާއެކު މިމަހުގެ އެއްވަނަ ދުވަހުން ފެށިގެން މިހާތަނަށް ޖުމުލަ 64،048 މީހަކު ވަނީ ވެކްސިން ޖަހައިފައެވެ.
މިއަދު ވެކްސިން ޖެހި 7،818 މީހުންގެ ތެރެއިން 5،998 މީހަކު ވެކްސިން ޖަހާފައިވަނީ މާލެއިންނެވެ. އަދި އަތޮޅުތެރެއިން 1،820 މީހަކު ވެކްސިން ޖެހިއެވެ. މިހާތަނަށް ވެކްސިން ޖެހި ޖުމުލަ 64،048 މީހުންގެ ތެރެއިން މާލެއިން 49،836 މީހަކު އަދި އަތޮޅުތެރެއިން 14،212 މީހަކު ވެކްސިން ޖަހާފައިވެއެވެ.
