ޓޮމާޓޯ (ވިލާތު ބަށި) ހައްދާނެ ގޮތް

ޓޮމާޓޯ (ވިލާތު ބަށި)

ޓޮމާޓޯއަކީ ގޯތިތެރޭގައިވެސް އަދި ދަނޑުގައިވެސް ހެއްދިދާނެ ތަރުކާރީއެކެވެ. މިއީ ދުނިޔޭގައި ވަރަށް ގިނައިން ހައްދައި ތަރުކާރީއެކެވެ. ޓޮމާޓޯއިން ހަށިގަނޑަށް ލިބިދޭ ފައިދާތަކުގެ ތެރޭގައި، ވިޓަމިން A އަދި ވިޓަމިން C ހިމެނެއެވެ. ޓޮމާޓޯގަހަކީ ފަސޭހަކަމާއެކު ގިނަ ޢަދަދަކަށް ހެއްދިދާނެ ގަހެކެވެ. ޓޮމާޓޯގަސް ރަނގަޅަށް ހެދޭނީ މުއްސަނދި ބިންބިމުގައެވެ. މީގެ އިތުރަށް ކާދު، ތައްޔާރީގަސްކާނާ ބިންގަނޑާ އެއްކުރުމުން ގަހުގެ އުފެއްދުން ރަނގަޅުވެއެވެ. ޓޮމާޓޯގަސް ގިނަކުރާނީ އޮށް އިންދައިގެންނެވެ.

ޓޮމާޓޯ އިންދާ ހައްދާނެގޮތް

ކުދިގަސް މުޑުވައްކުރުން

· އޮށް އިންދުމަށް ފުރަތަމަ ޖެހޭނީ ބެޑްތައްޔާރުކުރާށެވެ.

· އޮށް އިންދުމުގެ ކުރިން 2 އަތްގޮށި ހުންނަވަރުގެ ކާދު ދެތިންދުވަސް ވަންދެން ކޮންމެ ދުވަހަކު އެއްފަހަރު ތައްޔާރުކުރި ބެޑުގެ ފަސްގަނޑާ އެއްކުރަންވާނެއެވެ.

· އޮށް އިންދާނީ ދެބަރިއަށެވެ. ކޮންމެ ދެއޮށެއް ދޭތެރޭގައި 4 އިންޗި ހުންނަވަރަށެވެ.

· ބެޑް ބާއްވަންވާނީ އަވިނުދޭގޮތަށް ފަނުން ހިޔާކޮށްފައެވެ. މިގޮތައް ބާއްވާނީ ފެޅިގަސްތަކުގައި 3 ފަތް ލަންދެނެވެ.

· ގަސްތަކަށް ޤަވާޢިދުން ފެންދޭންވާނެއެވެ.

ބިންތައްޔާރުކުރުން

· އިންދުމުގެ އެއްހަފްތާކުރިން ފަސްގަނޑު ޖަހަންވާނެއެވެ.

· ވިނަ ނޮޅާ އަދި ގައުނަގާ ސާފުކުރަންވާނެއެވެ.

ގަސްރުވުން

· ގަސްރުވާނީ ގަސްފަޅާތާ 3-5 ހަފްތާ ވުމުންނެވެ. އެއިރު ގަސްތައް ހުންނާނީ 10-15 ސެންޓިމީޓަރަށް ބޮޑުވެފައެވެ.

· ކުދިގަސް ހިފެހެއްޓުމަށް ގަހުގެ ކައިރިއަށް ދަނޑިކޮޅެއް ޖަހައި ގަސް ދަނޑިކޮޅާލައި އައްސާފައި ބެހެއްޓުން ރަނގަޅުވާނެއެވެ.

· ގަސް އިންދާނީ ދެގަސް ދޭތެރޭގައި 1-4 ފޫޓް، ދެބަރި ދޭތެރޭގައި 3-4 ފޫޓް އަދި ފުންމިނުގައި ½ 1 އިންޗި ހުންނަ ވަރަށެވެ.

· ގަސް ރުވުމަށްފަހު އާދަކޮށް ދުވާލު ދެއިރު ފެންދޭންވާނެއެވެ.

ގަސްކާނާ

· ގަސްއިންދުމުގެ ކުރިން ތައްޔާރީ ގަސްކާނާ ނުވަތަ ކާދު ވެއްޔާ އެއްކުރުން.

· ގަސްއިންދުމަށްފަހު މާއަޅަންދެން ކޮންމެ ދެ ހަފްތާއަކުން އެއްފަހަރު ގަސްވަށައިގެން ބިންގަނޑަށް ތައްޔާރީ ގަސްކާނާ އެޅުން. މިގޮތުން ގަސްކާނާއެއްގެ ގޮތުގައި ބޭނުންކުރަން އެންމެ ރަނގަޅީ ކަށިކުނޑި، ހިކި ފަތްފަދަ ތަކެއްޗެވެ.

މައުލޫމާތު: ދަނޑުވެރިކަމާ ބެހޭ ވުޒާރާ