ބޯ ވާރޭގައި އިންޑިއާގެ މުންބާއީ ހުއްޓުމަކަށް އައިސް، 4 މީހުން މަރުވެއްޖެއެވެ.
ވިއްސާރަވެ، ބޯކޮށް ވާރޭވެހުމުގެ ސަބަބުން އިންޑިއާގެ މާލީ ވެރިރަށް މުންބާއީ ފެންބޮޑުވެ، މުންބައި ސިޓީ މުޅިން ހުއްޓުވުމަކަށް އަތުވެއްޖެއެވެ. ރޮއިޓާސް އިން ބުނާ ގޮތުގައި އިންޑީއާގެ މުންބާއިގައި ވެހެމުންނަށް އަންނަ ވާރޭޣެ ސަބަބުން ބުރާސްފަތި ދުވަހު ސްކޫލްތައް ވެސް ބަންދުކުރަން ވަނީ މަޖުބޫރުވެފައެވެ. އިއްޔެ މުންބާއީގެ މޫސުމާއި ގުޅިގެން މަގުތަކުގައި ދަތުރުފަތުރު ކުރުން ނުކުޅެދުންތެރިވެ، ސިޓީގެ މިލިއަނުން ގުނާ ރައްޔިތުން ކޮންމެ ދުވަހަކު ބޭނުންކުރާ ރޭލް ދަތުރުތައް ވަނީ ހުއްޓުމަކަށް އައިސްފައެވެ.
މިގޮތުން، ވާރެއާ ގުޅުންހުރި ހާދިސާތަކުގައި 4 މީހުން މަރުވެފައިވާ ކަމަށް އިންޑިއާގެ އޮފިޝަލުން މައުލޫމާތުދީފައިވެއެވެ. އަދި އިތުރަށް ވާރޭވެހުމުގެ ފުރުސަތު އޮތުމާއެކު، އިންޑިއާގެ ކަމާބެހޭ ފަރާތްތަކުން މުޅި ސިޓީއަށް ރަތް ސަމާލު ނެރެފައިވެއެވެ. އަދި މުންބާއީގެ ރައްޔިތުންނަށް ގޭގައި ތިބުމަށް ކަމާބެހޭ ފަރާތްތަކުން ވަނީ އިލްތިމާސް ކޮށްފައެވެ. މުންބާއީއިން ވަނި އެ ސިޓީގެ ސްކޫލްތަކާއި ކޮލެޖްތައް ބަންދުކޮށް، މަސްވެރިންނަށް ހުކުރު ދުވަހާ ހަމައަށް އެއްގަމުގައި ތިބުމަށް އަންގާފައެވެ.
