މޯލްޑިވްސް ޕޯޓްސް ލިމިޓެޑް (އެމްޕީއެލް) ގެ ސީ-ޓު-އެއަރ ކާގޯ ޚިދުމަތް އެމިރޭޓްސްއާ ގުޅިއްޖެއެވެ.
އެމްޕީއެލްއިން މޯލްޑިވްސް ސްޓޭޓް ޝިޕިންގ (އެމްއެސްއެސް) އަދި ބައިނަލްއަޤްވާމީ އެއަރލައިންތަކާ ގުޅިގެން ތަޢާރަފުކުރި ކަނޑުން-ވައިގެ މަގަށް މުދާ އުފުލުމުގެ ޚިދުމަތުގައި، އެހެން ޤައުމުތަކުން މުދާ އިމްޕޯޓްކޮށް އެކި ޤައުމުތަކަށް އަލުން އެކްސްޕޯޓްކުރުން ހިމެނެއެވެ. ޓަރކިޝް އެއަރލައިންސް އަދި ޤަތަރު އެއަރވޭޒްްވެސް މި ޚިދުމަތް ފޯރުކޮށްދިނުމަށް ބައިވެރިވެފައިވެއެވެ.
އެމްޕީއެލްއިން މާރިޗު މަހު ކަނޑުން-ވައިގެ މަގަށް މުދާ އުފުލުމުގެ ޚިދުމަތް ތަޢާރަފުކޮށް، ފުރަތަމަ ޝިޕްމަންޓް މެއި މަހު ފޮނުވާފައިވެއެވެ. ފުރަތަމަ ޝިޕްމަންޓަކީ ބަންގްލަދޭޝްއިން ފޮނުވި އަންނައުނުގެ ޝިޕްމަންޓެކެވެ. މި ޝިޕްމަންޓް ފޮނުވާފފައިވަނީ ޓަރކިޝް އެއަރލައިންސް މެދުވެރިކޮށް ޖަރުމަނުވިލާތަަށެވެ.
ކަނޑުން-ވައިގެ މަގަށް ޓްރާންސްޝިޕްމަންޓް ޚިދުމަތް ތަޢާރަފުކޮށްފައިވަނީ، ކަނޑު މަގުން މުދާ އުފުލުމަށް ހޭދަވާ މުއްދަތު ކުރުކޮށް އަވަސް އެހީތެރިކަން ފޯރުކޮށްދިނުމުގެ މަޤޤްޞަދުގައެވެ. މި ހައިބްރިޑް މޮޑެލްގެ މަޤްޞަދަކީ ވިޔަފާރީގެ ދާއިރާގައި ހުރި ބޭނުންތައް ހަލުވިކަމާއެކު ފުއްދައިދިނުމެވެ. މި ޚިދުމަތުގެ ސަބަބުން ދިވެހިރާއްޖެއަށް ލިބޭނެ މައިގަނޑު ފައިދާއަކީ، އެކްސްޕޯޓް ކުރުމުގެ މަސައްކަތް އަވަސްކުރުމަށް އާންމުކޮށް ބޭރު ޤައުމުތަކުން ފޯރުކޮށްދޭ މި ޚިދުމަތުގެ ސަބަބުން އެކި ޤައުމުތަކަށް، ޚާއްޞަކޮށް ޔޫރަޕުގެ މަންޒިލްތަކަށް ދަތުރުކުރާ ފްލައިޓްތަކުގެ އަދަދު އިތުރުވުމެވެ.
