މޯލްޑިވްސް ހައްޖު ކޯޕަރޭޝަންގެ މެނޭޖިން ޑިރެކްޓަރު މުހައްމަދު ޝަކީލްގެ ނަމުގައި ސްކޭމް ކޯލްތަކެެއް ކުރާކަމަށާއި އެކަމަށް އެންމެހާ ރައްޔިތުން ސަމާލުވުމަށް އޭނާ އިލްތިމާސް ކުރައްވައިފިއެވެ.
ޝަކީލް އެކްސްގައި އިއްޔެ ކުރެއްވި ޕޯސްޓްގައި ވިދާޅުވީ އޭނާގެ ފަރާތުން ކަމަށް ބުނެ އަބްދު الله ރަޝީދު، ގ.ދަލާސްޓް، ފޯން ނަންބަރު 7610117 ކިޔާ މީހަކު އެކި ފަރާތް ތަކަށް ގުޅައި ފައިސާ ހޯދަމުން ދާކަމަށް މައުލޫމާތު ލިބިފައިވާ ކަމަށެވެ.
އަދި މިކަމާ ގުޅިގެން ޝަކީލް ވަނީ އޭނާގެ ނަމުގައި އެއްވެސް ފަރާތަކުން ފައިސާ ހޯދުމަށް ކުރާ ފޯން ކޯލްތަކަށް އިޖާބަ ނުދިނުމަށް ޝަކީލް ވަނީ އެދިވަޑައިގެންފައެވެ.
ޝަކީލް ވިދާޅުވީ މި މައްސަލަ ފުލުހުންނަށް މިހާރު ހުށަހަޅާފައިވާ ކަމަށެވެ.
އެކި މީސް މީހުންނާއި އެކި މުވައްސަސާތަކުގެ ނަމުގައި އޮޅުވާލައިގެން ސްކޭމް ކޯލްތައް ކުރުން މިހާރު ވަނީ އާންމު ކަމަކަށް ވެފައި އެވެ.
