ރާއްޖޭގައި ދެވޭ ސަބްސިޑީތަކުން އެންމެ ބޮޑު މަންފާއެއް ކުރަނީ މުއްސަނދިންނަށް ކަމަށް ވަރލްޑް ބޭންކުން ރާއްޖެއާ ގުޅޭ ގޮތުން ނެރުނު ރިޕޯޓެއްގައި ބުނެފިއެވެ.

ވަރލްޑް ބޭންކުގެ ރިޕޯޓުގައި ބުނެފައި ވަނީ ރާއްޖޭގައި ދެވޭ ސަބްސިޑީގެ 43 އިންސައްތަ ޚަރަދު ކުރަނީ އާބާދީގެ އެންމެ މުއްސަންދި ފަރާތްތަކަށް ކަމަށެވެ. އެގޮތުން އާބާދީގެ އެންމެ ތަނަވަސްކަން ލިބިފައިވާ 40 އިންސައްތައަށް މި ސަބްސިޑީތަކުގެ ފައިދާ ލިބޭކަމަށް ވަރލްޑް ބޭންކުން ފާހަގަކުރެއެވެ. އަދި މިއީ މިދިޔަ އަހަރުގެ ބަޖެޓުގެ 4.1 އިންސައްތަ ކަމަށް ވަލްޑް ބޭންކުގެ ރިޕޯޓުގައި ބުނެއެވެ.

މި ރިޕޯޓުގައި ފާހަގަ ކޮށްފައި ވަނީ ދުނިޔޭގެ އެހެން ގައުމުތަކާ ހިލާފަށް ރާއްޖޭގައި ސަރުކާރުން ސަބްސިޑީ ދެނީ ގައުމުގެ އެންމެންނަށް ކަމަށެވެ. މީގެ ސަބަބުން ސަބްސިޑީ ލިބެންޖެހޭ އެންމެ ނާޒުކު ގޭބީސީތަކަށް އޭގެއިން އެހާ ބޮޑު ފައިދާއެއް ނުކުރާކަމަށް ވޯލްޑް ބޭންކުން ބުނެއެވެ.

ރާއްޖޭގައި ދެވޭ ސަބްސިޑީތަކުގެ ތެރޭގައި ތަޢުލީމީ ނިޒާމުގެ ތެރެއިން ސަރުކާރުން ކުރާ ޚަރަދުތަކާއި ހުރިހާ ރައްޔިތުންނަށް ފޯރުކޮށްދޭ އާސަންދަ އާއި، އެސްޓީއޯ މެދުވެރިކޮށް ތެލަށާއި ކާބޯތަކެއްޗަށް ދެވޭ ސަބްސިޑީސްތައް ހިމެނެއެއެވެ. އެކަމަކު މިއިން އެއްވެސް ސަބްސިޑީއަކީ މާލީ ގޮތުން އެންމެ ނާޒުކު ހާލާތުގައި ތިބި ފަރާތްތަކަށް އާމާޒުކޮށް ދެވޭ ސަބްސިޑީއެއް ނޫންކަން ވޯލްޑް ބޭންކުން ނެރުނު ރިޕޯޓުގައި ފާހަގަ ކޮށްފައިވެއެވެ.

އިތުރު ލިޔުންތައް