މާލެ ސަރަހައްދުގައި ކާބޯތަކެތީގެ ޚިދުމަތްދޭ ތަންތަނުގެ އިންސްޕެކްޝަންތައް މާލޭ ސިޓީ ކައުންސިލާއިއެކު ކުރިއަށްގެންދިއުމަށްޓަކައި ކައުންސިލްގެ މުވައްޒަފުންނަށް އަމާޒުކޮށް ތަމްރީން ޕްރޮގްރާމެއް ބާއްވައިފިއެވެ.
މިނިސްޓްރީ އޮފް ހެލްތާއި މާލޭ ސިޓީ ކައުންސިލް ގުޅިގެން ކުރިއަށް ގެންދިޔަ މިތަމްރީން ފްރޮގްރާމްގައި މާލޭ ސިޓީ ކައުންސިލްގެ 63 މުވައްޒަފުން ބައިވެރިވިއެވެ.
މި ތަމްރީން ޕްރޮގްރާމްގައި ކާބޯތަކެތީގެ ޚިދުމަތްދޭ ތަންތަން ހުންނަނީ ކާބޯތަކެތީގެ ރައްކާތެރިކާތެރިކަމުގެ ޤާނޫނު( 6/2024) ގެ ދަށުން އެކުލަވާލާ މިންގަނޑުތަކާ އެއްގޮތަށްތޯ ބެލުމާއި، ކާބޯތަކެތީގެ ޚިދުމަތްދޭ ތަންތަނުގައި ދުންފަތުގެ އިސްތިއުމާލް ކުރަމުން ގެންދަނީ ދުންފަތުގެ އިސްތިއުމާލު ކުރުން މަނާ ތަންތަން ކަނޑައެޅުމުގެ ޤަވާއިދުތަކާއި އެއްގޮތަށްތޯ ބެލުމަށް މުވައްޒަފުންނަށް ވަނީ ތަމްރީން ދީފައެވެ.
މި ޕްރޮގްރާމް ފުރިހަމަ ކުރާ މާލޭ ސިޓީގެ މުވައްޒަފުންނަކީ ކާބޯތަކެތީގެ ޚިދުމަތްދޭ ތަންތަން ބަލާ ފާސްކުރުމަށް ސެޓިފެޓިފައި ވެފައިވާ މުވައްޒަފުންނަށް ވެގެންދާނެއެވެ.
ޚަބަރު: ސިއްހީ ވުޒާރާ
