ހިޔަލަ މާކެޓް އިތުރަށް ޑިވެލޮޕްކުރުމުގެ މަސައްކަތް ކޮށްދޭނެ ފަރާތެއް ހޯދުމަށް ބިޒްނެސް ސެންޓަރ ކޯޕަރޭޝަނުން (ބީސީސީ) އިއުލާނުކޮށްފިއެވެ.
ބީސީސީއިން ވަނީ, ހުޅުމާލެ ކޮންޓެއިނާ ޕާކުގައި ހިންގާ ހިޔަލަ މާކެޓް އިތުރަށް ޑިވެލޮޕް ކުރުމަށް ޓަކައި ކުރަން ޖެހޭ މަސައްކަތްތައް ކޮށްދިނުމަށް ޝައުގުވެރިވާ ފަރާތްތަކަށް އެ ފުރުސަތު ހުޅުވާލައިފައެވެ.
މި މަސައްކަތާ ބެހޭ ގޮތުން އިތުރު މައުލޫމާތު ހޯދުމަށް ބޭނުންވާނަމަ 14 އޮކްޓޯބަރު ވާ ހޯމަ ދުވަހު 14:00 އަށް މ.ކަނީރުވިލާގެ އެއްވަނަ ފަންގިފިލާއަށް ވަޑައިގަތުމަށް އެ ކޯޕަރޭޝަނުން ވަނީ އެދިފައެވެ. މަސައްކަތުގެ އަންދާސީ ހިސާބު ހުށައެޅުން އޮންނާނީ 20 އޮކްޓޯބަރު ވާ އާދިއްތަ ދުވަހުގެ 14:00 ގައެވެ.
މި މަސައްކަތާ ބެހޭ އިތުރު މައުލޫމާތު ސާފުކުރެއްވުމަށް ޓަކައު ބީސީސީގެ އީމެއިލްއަށް އީމެއިލް ކުރުމުން ނުވަތަ 3330587 އަށް ގުޅުމުން ލިބިގެންދާނެ ކަމަށް އެ ކޯޕަރޭޝަނުން ވަނީ ހާމަކޮށްފައެވެ.
