ނ. ވެލިދޫ ސިއްހީ މަރުކަޒަށް 23 އަހަރު ފުރުމުގެ މުނާސަބަތުގައި ހާއްސަ ރަސްމިއްޔާތެއް ބާއްވައިފިއެވެ.
މި ރަސްމިއްޔާތު ޝަރަފުވެރިކޮށްދެއްވީ ސްޓޭޓް މިނިސްޓަރ އަހްމަދު ޤާސިމްއެވެ.
ހުއްޓުމެއް ނެތި ސައްވީސް ގަޑިއިރަށް ހިދުމަތްދޭ ވެލިދޫ ސިއްހީ މަރުކަޒުގެ 23 ވަނަ އަހަރީ ދުވަހާ ގުޅިގެން ބޭއްވި ހާއްސަ ރަސްމިއްޔާތުގައި ދިގު މުއްދަތަކަށް އެ މަރުކަޒަށް ހިދުމަތްކުރެއްވި މުވައްޒަފުންނަށް އެކަމުގެ އަގުވަޒަންކޮށް ހަނދާނީ ފިލާވަނީ އަރުވާފައެވެ.
މި ރަސްމިއްޔާތުގައި ސްޓޭޓް މިނިސްޓަރ އަހްމަދު ގާސިމްގެ އިތުރުން ޑެޕިއުޓީ މިނިސްޓަރ އިސްމާއިލް ޒާހިރު ވެސް ބައިވެރިވަޑައިގެންނެވިއެވެ.
