ވެލާނާ އިންޓަރނޭޝަނަލް އެއަރޕޯޓް (ވީއައިއޭ) ބޭނުންކުރާ ފަސިންޖަރުންގެ އަތުން ނަގާ ޓެކްސް އިތުރުކުރުމަށް ދިވެހި ސަރުކާރުން ހުށަހަޅައިފިއެވެ.
އެގޮތުން، ރާއްޖޭގެ އެއާޕޯޓަކުން ރާއްޖެއިން ބޭރަށް ފުރާ ފަސިންޖަރުންގެ އަތުން ޓެކްސް އަދި ފީ ނެގުމާ ބެހޭ ގާނޫނަށް އިސްލާހު ގެނައުމުގެ ބިލު މިއަދު ރައްޔިތުންގެ މަޖިލީހުގެ ސެޝަނަށް ވަނީ ހުށަހަޅާފައެވެ.
މި އިސްލާހުތަކުގައި އެކި ކެޓަގަރީތަކުގެ ފަސިންޖަރުންގެ އަތުން ނަގާ ޑިޕާޗަރ ފީއަށް ބަދަލުތަކެއް ގެނެސްފައިވެއެވެ. ހުށަހަޅާފައިވާ ބަދަލުތަކަކީ:
- އިކޮނޮމީ ކްލާހުގައި ދަތުރުކުރާ ބިދޭސީންގެ އަތުން ނަގާ ޑިޕާޗަރ ފީ 30 ޑޮލަރުން 50 ޑޮލަރަށް އިތުރުކުރުން
- ދިވެހި އިކޮނޮމީ ކްލާސް ފަސިންޖަރުންގެ އަތުން ނަގާ ފީއަށް ބަދަލެއް ނާންނާނެ
- ބިޒްނަސް ކްލާސް ފަސިންޖަރުންގެ ޑިޕާޗަރ ފީ 60 ޑޮލަރުން 120 ޑޮލަރަށް އިތުރުކުރުން
- ފަސްޓް ކްލާސް ފަސިންޖަރުންގެ ޑިޕާޗަރ ފީ 90 ޑޮލަރުން 240 ޑޮލަރަށް އިތުރުކުރުން
- އަމިއްލަ ޖެޓުތަކުގައި ފުރާ ފަސިންޖަރުންގެ އަތުން ނަގާ ފީ 120 ޑޮލަރުން 480 ޑޮލަރަށް އިތުރުކުރުން
މި ބަދަލުތައް ތަންފީޒުކުރަން ހަމަޖެހިފައިވަނީ 2024 ވަނަ އަހަރުގެ ޑިސެމްބަރު މަހުން ފެށިގެންނެވެ.
ސަރުކާރުގެ އަންދާޒާތަކުން ދައްކާގޮތުގައި، އެއަރޕޯޓް ޑިޕާޗަރ ޓެކްސް އިތުރުކުރުމުން އިތުރު 1.6 ބިލިއަން ރުފިޔާގެ އާމްދަނީ ލިބޭނެކަމަށް ބެލެވެއެވެ. އެއަރޕޯޓް ޓެކްސް އިތުރުކުރުމުގެ މައިގަނޑު މަޤްޞަދަކީ ޓެކްސްގެ ގޮތުގައި ލިބޭ އާމްދަނީ ޑޮލަރުން ލިބޭނެތީ، ޤައުމުގެ ރިޒާވްގެ ހާލަތު ރަނގަޅުކުރުމެވެ.
ކިހިނެއް ތިކަން ކުރާނީ. އިތުރުވާފައިސާއިން ބޯނަސް ދޭނީ.