ދަނޑުވެރިކަމާއި ދިރޭތަކެއްޗާ ބެހޭ ވުޒާރާގެ އިސްނެގުމުގެ ދަށުން، ބައިނަލްއަޤުވާމީ ޖަނަވާރުންގެ ދުވަސް ފާހަގަކުރުމުގެ ގޮތުން ޚާއްޞަ ފެއަރއެއް ވަނީ ބާއްވާފައެވެ.
މިއީ ދިވެހިރާއްޖޭގައި މި ދުވަސް ރަސްމީކޮށް ފާހަގަ ކުރާ ފުރަތަމަ ފަހަރެވެ. ފެއަރ ހުޅުވުމުގެ ރަސްމިއްޔާތުގައި ދަނޑުވެރިކަމާއި ދިރޭތަކެއްޗާބެހޭ ވުޒާރާގެ ވަޒީރު ޑރ. ޢާއިޝަތު ރަމީލާ ވާހަކަފުޅު ދައްކަވަމުން، މިއަހަރުގެ ޝިޢާރު ކަމުގައިވާ "ދުނިޔެއަކީ އެސޮރުމެންގެވެސް ހިޔާވައްސެވެ" އަށް އަލިއަޅުވާލެއްވިއެވެ. އަދި މި ދުވަސް ފާހަގަކުރުމުގެ މައިގަނޑު މަޤުޞަދުތަކުގެ ތެރޭގައި ޖަނަވާރުންގެ ޙައްޤުތަކާމެދު ޢާއްމުން ހޭލުންތެރިކުރުވުމާއި، އެތަކެއްޗާމެދު އަޚުލާޤީ މިންގަނޑުން ޢަމަލުކުރުމަށް ބާރުއެޅުން ހިމެނޭކަމަށް ވިދާޅުވިއެވެ.
ފެއަރގައި، ޖަނަވާރުންނާ ގުޅުންހުރި އުފެއްދުންތައް ޢާންމުންނަށް ދެއްކުމާއި، ޖަނަވާރުންނަށް ޚާއްޞަ ކާނާ ވިއްކުމާއި، ހޭލުންތެރިކަން އިތުރުކުރުމަށް މަޢުލޫމާތު ފޯރުކޮށްދިނުމާއި، އަދި ޖަނަވާރުންގެ ސިއްޙީ ޚިދުމަތްތައް ޕްރޕްރޮމޯޓްކުރުން ފަދަ ޙަރަކާތްތައް ހިމެނުނެވެ. މީގެއިތުރުން، ޒިޔާރަތްކުރި ފަރާތްތަކުގެ މެދުގައި ލަކީ ޑްރޯއެއްވެސް ބޭއްވުނެވެ.
ދަނޑުވެރިކަމާއި ދިރޭތަކެއްޗާ ބެހޭ ވުޒާރާއިން މި ދުވަހާ ގުޅޭ މަޢުލޫމާތު ޓެލެވިޜަން، ރޭޑިއޯ އަދި މީސްމީޑިއާގެ ޒަރީޢާއިން ޢާންމުކުރިއެވެ. އަދި ކުރިއަށް އޮތް ދުވަސްތަކުގައި ޖަނަވާރުގެ ދުޅަހެޔޮކަމާ ބެހޭ ފޯރަމެއް ބޭއްވުމަށްވެސް ވަނީ ހަމަޖެހިފައެވެ.
ޖަވާރު ދުވަސްވެސް ފާހަގަ ކުރަންވީ އެއީވެސް އިންސާނުންނަށްޓަކައި ﷲ ފޮނުއްވާފައިވާ އެއްޗެކެވެ.ދިވެހިން އެންމެ ގިނައިން ދިރިއުޅޭ އެއް ގައުމަކީ ލަންކާއެވެ.މައުންޓް ލެވޭނިޔާ ސަރަހައްދުގައި ވ.ގިނަ ދިވެހިން އުޅެއެވެ.އާސަންދަ ލިބޭ ހޮސްޕިޓަލެއް އެސަރަހައްދުގައި ނުހުރެއެވެ.އެހިސާބުގައި އާސަންދަ ލިބ ތަނެއް ހުރުން މުހިއްމެވެ.