ހުޅުމާލެ ހޮސްޕިޓަލުގެ ކެފޭ، ވިޔަފާރި އުސޫލުން ހިންގައިދޭނެ ފަރާތެއް ހޯދުމަށް އެ ހޮސްޕިޓަލުން އިއުލާނުކޮށްފިއެވެ.
މި ފުރުޞަތަށް ކުރިމަތިލާން ބޭނުންވާ ފަރާތްތަކުން 23 އޮކްޓޫބަރު 2024 ވާ ބުދަ ދުވަހުގެ 12:00 ގެ ކުރިން ބިޑް ރެޖިސްޓްރޭޝަން ފޯމް ފުރިހަމަކުރަންޖެހޭނެ ކަމަށް ހޮސްޕިޓަލުން މަޢުލޫމާތު ދީފައިވެއެވެ.
ބީލަމުގައި ރަޖިސްޓްރީވާ ފަރާތްތަކަށް މަޢުލޫމާތު ދިނުމުގެ ސެޝަނެއް 24 އޮކްޓޫބަރު 2024 ވާ ބުރާސްފަތި ދުވަހުގެ 10:00 ގައި ހުޅުމާލެ ހޮސްޕިޓަލްގެ ވައްލަ މީޓިންގ ރޫމުގައި ބޭއްވުމަށް ވަނީ ހަމަޖެހިފައެވެ. އަދި މި ސެޝަނަށްފަހު މަޢުލޫމާތު ކަރުދާސް ރަޖިސްޓްރީވެފައިވާ ފަރާތްތަކާ ހިއްސާކުރެވޭނެ ކަމަށްވެސް ހޮސްޕިޓަލުން ވިދާޅުވެފައިވެއެވެ.
މީގެ އިތުރުން، އަންދާސީ ހިސާބު ހުށަހެޅުމަށް ވަނީ 4 ނޮވެންބަރު 2024 ވާ ދުވަހުގެ ހެނދުނު 10:00 ގައި ހުޅުމާލެ ހޮސްޕިޓަލްގެ ވައްލަ މީޓިންގ ރޫމުގައި ހަމަޖެހިފައެވެ. އަދި ގަޑިޖެހުމަށްފަހު ހުށަހަޅާ ބީލަންތައް ބަލައިނުގަނެ އަނބުރާ ރައްދުކުރެވޭނެ ކަމަށް ހޮސްޕިޓަލުން ވިދާޅުވެފައިވެއެވެ.
މި އިޢުލާނާ ގުޅޭގޮތޭގޮތުން އިތުރު މަޢުލޫމާތު ސާފުކުރަން ބޭނުންވާ ފަރާތްތަކުން 30 އޮކްޓޫބަރު 2024 ވާ ދުވަހުގެ 10:00 ގެ ކުރިން [email protected] އަށް މެއިލް ކުރުމަށް ހޮސްޕިޓަލުން އަންގާފައިވެއެވެ. އަދި އިތުރު މަޢުލޫމާތު ހޯދުމަށް 3350152 ނުވަތަ 3350113 ނަންބަރަށް ގުޅުމަށް ނުވަތަ މި ލިންކަށް ޒިޔާރަތްކުރުމަށް ހޮސްޕިޓަލުން އަންގާފައިވެއެވެ.
