އދ.މާމިގިލި ސްކޫލުގައި ކެޑޭޓް ހަރަކާތާ އަލަށް ގުޅުނު ކެޑޭޓުން ހުވާކޮށް، އެ ކެޑޭޓުންނަށް ހަތިޔާރު ހަވާލުކޮށްދީފިއެވެ.
އދ. މާމިގިލި ސްކޫލުގައި މިކަމަށް ޓަކައި އޮކްޓޫބަރު 17 ވަނަ ދުވަހުގެ ރޭ ބޭއްވި ރަސްމިއްޔާތުގައި، އެ ސްކޫލުގެ 54 ކެޑޭޓުންނަށް ހަތިޔާރު ހަވާލުކޮށްދީފައިވެއެވެ.
މި ރަސްމިއްޔާތުގައި، ކެޑޭޓުންނަށް ހަތިޔާރު ހަވާލުކުރާއިރު އަންގާ އެންގުން އިއްވައިދީ، އެ ކެޑޭޓުންނަށް ހަތިޔާރު ހަވާލުކޮށްދެއްވީ، މޯލްޑިވްސް ނޭޝަނަލް ކެޑޭޓް ކޯރގެ ޓްރެއިނިންގ އެންޑް ކޯޑިނޭޓިންގ އޮފިސަރ، ލެފްޓިނެންޓް ފާރިޝް މުހައްމަދުއެވެ.
މި ރަސްމިއްޔާތުގައި އދ.މާމިގިލި ސްކޫލުގެ ޕްރިންސިޕަލްގެ އިތުރުން މޯލްޑިވްސް ޕޮލިސް ސަރވިސްގެ އޮފިސަރުންނާއި މޯލްޑިވްސް ނޭޝަނަލް ކެޑޭޓް ކޯރގެ އޮފިސަރުން ބައިވެރިވެލެއްވިއެވެ.
