"ދިޔަވަރު.ކޮމް"އާ ގުޅޭ ގޮތުން ލިބުނު ގިނަ އަދަދެއްގެ ޝަކުވާތައް ބެލިއިރު، ހަގީގަތާ ޚިލާފު ޚަބަރު އެ ނޫހުން ފަތުރަމުންދާވެ، އެކަމަށް އެކަމަށް އާއްމުން ރައްޔިތުން ސަމާލުވުމަށް މޯލްޑިވްސް މީޑިޔާ ކައުންސިލް (އެމްއެމްސީ) އެދިއްޖެ އެވެ.
"މި އަހަރުގެ ތެރޭގައި މީޑިއާ ކައުންސިލަށް 77 ޝަކުވާއެއް ލިބިފައިވާއިރު އޭގެ ތެރެއިން 63 މައްސަލައަކީ ދިޔަވަރު.ކޮމް ވެބްސައިޓުގައި ޝާއިއުކޮށްފައިވާ ލިޔުންތަކާއި ބައެއް ފޮޓޯތަކާ ގުޅޭ ގޮތުން ހުށަހެޅިފައިވާ ޝަކުވާތަކެކެވެ" އެމްއެމްސީއިން ނެރުނު ޕަބްލިކް އެޑްވައިޒަރީގައި ބުނެފައިވެއެވެ.
މީޑިޔާ ކައުންސިލުން ބުނީ ދިޔަވަރު.ކޮމްގެ ކޮންޓެންޓުގެ ބޮޑުބައި އަމާޒުކޮށްފައި ވަނީ ރައީސުލްޖުމްހޫރިއްޔާ ޑރ. މުހައްމަދު މުއިއްޒާއި އެމަނިކުފާނުގެ އަނބިކަނބަލުންނާއި ސަރުކާރުގެ އިސްވެރިން އަދި މަޖިލީހުގެ ޕީއެންސީ މެމްބަރުންނަށް ފާޑުކިޔުމަށް ކަމަށެވެ. މިގޮތުން ދުވާލަކު ދިޔަވަރު.ކޮމް ވެބްސައިޓުގައި އާޓިކަލްތަކާއި ސޯޝަލް މީޑިއާ ޕޯސްޓުތަކާއި ވީޑިއޯތައް ހިމެނޭ ގޮތަށް ދުވާލަކު 5-10 ކޮންޓެންޓް ދިޔަވަރު.ކޮމް އިން ގެންނަ ކަމަށް މީޑިޔާ ކައުންސިލުން ބުނެއެވެ.
https://www.facebook.com/share/p/p3UZc4ugXk3ep14F/
މީޑިޔާ ކައުންސިލުން އެދިފައި ވަނީ ދިޔަވަރު.ކޮމްގައި ގެނެސްދޭ ޚަބަރުތައް ލިޔުންތައް ސޯޝަލް މީޑިއާ އާއި އެހެނިހެން ޕްލެޓްފޯމްތަކުުގައިވެސް ނުފެތުރުމަށެވެ. އަދި ސުރުހީ އެކަނި ކިޔުމުގެ ބަދަލުގައި އާޓިކަލްގައި ނޫސްވެރިކަމުގެ ހަމަތައް ހިފަހައްޓައިގެން ހަގީގަތާ އެއްގޮތަށް ޚަބަރު ލިޔެފައިވޭތޯ ބެލުމަށް އާންމުންގެ މީޑިޔާ ކައުންސިލުން ވަނީ އެދިފަ އެވެ.
ހާދަ ފިނޑިސަރުކާރެކޭ، ތީަމައެކަނި މިސަރުކާރުގެ ރައީސަށާ މެޑަމާބެހޭގޮތުން ދައްކާ ވާހަކަތަކެއްނޫނޭ، ކޮންމެސަރުކާރެއްގަވެސް ރައީސަށާ މެޑަމަށާ އެސަރުކާރެއްގެ ކެބިނެޓަށް ނުވިތާކަށް އެއިރެއްގާއޮންނަ ސަރުކާރެއްގެ އާއްމު މެންބަރުންނަށްވެސް ކިއާއެއްޗިއްސޭ މައްސަލަޖައްސަންވެއްޖެއްޔާ ނުޖައްސާނެ ކަމެއް ނޯންނާނެ، ކެއްތެރިވާން ދަސްކޮށްބަލާ! ރމައުމޫނޭ، ރނަޝީދޭ ރ ވަހީދޭ ރޔާމީނޭ، ރއިބުރާހީމޭ ކިއައިގެން ކޮންފަދަ ހަޑިހުތުރު ވާހަކަތަެއްތޯ ދެއްކީ؟ އެކަމުއެބޭފުޅުންނެއް ނޫޅުއްވާމީހުންގެ އަނގަތއް ބަންދުކުރާކަށް.
ފިޔަވަޅު އަޅަންވީ ޖޫރިމަނާ އިން
އެއްވެސް ބޭފުޅަކު ރައިއްޔިތުންގެ ކާރީދޮގުވާހަކަ ދައްކަވައިގެންނުވާނެ! ވެރިން ރައިއްޔިތުންނަށް ދޮގުހަދަނީ