އިންޑިއާގެ ބޮޑު ވަޒީރާއި ޖަރުމަން ޗާންސެލަރ ނިއުދިއްލީގައި ބޭއްވި ބައްދަލުވުމުގައި މެދުއިރުމައްޗާއި ފަލަސްޠީނު މީހުންގެ ފުރާނައާއި ޣައްޒާގެ ގަތުލުއާންމާއި ހަނގުރާމައިގެ ޖަރީމާތަކާއި ލޭ އޮހޮރުވުން މުހިންމެއް ނުވިއެވެ.
ނަރެންދްރަ މޮދީއާއި އޮލްފް ޝުލްޒް ގެ ވާހަކަތައް ބިނާ ކުރެއްވީ، ޔޫކްރޭންގައި ހިނގަމުންދާ ހަމަނުޖެހުމާއި އޭގެ ސަބަބުން ކުރިމަތިވެފައިވާ "ހިތާމަވެރި އިންސާނީ ނަތީޖާތަކާ މެދު ފުން ކޮށް ކަންބޮޑުވުން" ފާޅުކުރެއްވުމާއި، ބައިނަލްއަގްވާމީ ގާނޫނުތަކާ އެއްގޮތަށް "އިންސާފުވެރި އަދި ދެމެހެއްޓެނިވި ސުލްހައެއް" ހޯދުމުގެ ބޭނުންތެރިކަމާ މެދުގައި ކަމަށް އޭއެންއައި އިން ރިޕޯޓު ކުރެއެވެ.
އެ މީޑިއާއިން އިތުރަށް ބުނެފައި ވަނީ، ޔޫކްރޭންގެ ހަނގުރާމައިގައި އާންމުންގެ ފުރާނަ ގެއްލިފައިވާތީ ދެ ލީޑަރުން ވަނީ ކަންބޮޑުވުން ފާޅުކުރައްވާ ކަމަށެވެ.
ފަލަސްޠީނާ ބެހޭ ގޮތުން ބައި ޖުމުލައިގައި ބުނެފައި ވަނީ، "ޣައްޒާގައި ރަހީނުކޮށްފައިވާ ހުރިހާ މީހުން ވަގުތުން ދޫކޮށްލުމަށް ވެސް ގޮވާލައްވާ" ކަމަށެވެ.
އިޒްރޭލަށް ހަތިޔާރާއި ސިފައިން ފޯރުކޮށްދޭ ދެ ޤައުމުންވެސް ހަނގުރާމައިގެ ޖަރީމާތަކާއި ނަސްލު ނައްތާލުމާއި ނެޕީ ފޯސްއިން ހިންގާ ޖަރީމާތަކަށް ކުޑަ މިންވަރަކަށްވެސް އިޝާރާތެއް ނުކުރެއެވެ.
ނަމަވެސް ރަޝިޔާއިން އަދާ ހަމަކޮށްފައިވާ އެޤައުމުގެ ނިއުކްލިއަރ ނަޒަރިއްޔާތާ ބެހޭ ގޮތުން ފާޑު ކިޔުމަށް ވަގުތު ހޯއްދެވިއެވެ. އެގޮތުން، ނިއުކްލިއަރ ހަތިޔާރާ ބެހޭ ގޮތުން ވިދާޅުވީ: ނިއުކްލިއާ ހަތިޔާރު ބޭނުންކުރުމަކީ ނުވަތަ ބޭނުންކުރުމުގެ އިންޒާރު ދިނުމަކީ "ގަބޫލުކުރެވޭނެ ކަމެއް ނޫން" ކަމަށެވެ.
ރަޝިޔާގެ ނިއުކްލިއަރ ނަޒަރިއްޔާތު އަދާ ހަމަކުރަމުން، ބުނެފައި ވަނީ އެފަދަ ހަމަލައެއް ރަޝިޔާއާ ދެކޮޅަށް ދޭން ވިސްނުމަކީވެސް ރަޝިޔާއިން އިސްވެ ނިއުކްލިއަރ ހަމަލައެއް ދޭން ހުއްދަ ކުރާނެ ހާލަތެއް ކަމަށެވެ.
އިންޑިއާ ޖަރުމަން ބަޔާން ނިއުދިއްލީން އިއުލާން ކޮށްފައި ވަނީ މޮދީ ރަޝިޔާއިން ވަޑައިގަތްތާ 48 ގަޑިއިރު ނުވަނީހެވެ.
އިންޑިއާއާއި ޖަރުމަންގެ ޖޮއިންޓް ސްޓޭޓްމަންޓް ނެރެފައިވަނީ ހުކުރު ދުވަހު އިންޑިއާ އާއި ޖަރުމަނުވިލާތުގެ 7 ވަނަ އިންޓަރ ގަވަރމަންޓަލް ކޮންސަލްޓޭޝަންސް އަށް ފަހުއެވެ.
މޯދީ އާއި އޮލާފް ޝޮލްޒް ގުޅިގެން ނެރުއްވި ބަޔާނުގައި ޔުކްރެއިން ނޫނީ ހަނގުރާމައެއް ހިނގާ ސަރަހައްދެއް އޮތްކަމަކަށް ދެބޭފުޅުންނަށް ފާހަގައެއް ނުކުރެވެއެވެ. ޔުކްރެއިންގެ އެއްބައިވަންތަކަމަށް ވެސް ތަފްސީލީ ޕެރަގްރާފްތައް ހިމަނާފައި ވެއެވެ.
މިހިނދު ޔުކްރެއިން އަކީވެސް އެމެރިކާއާއި ހުޅަނގު ގުޅިފައިވާ ނޭޓޯއިން ހަތިޔާރު ދީގެން ރަޝިޔާ ބަލިކޮށްލުމަށް، ރަޝިޔާގެ ބޯޑަރުގައި ހިންގާ ޕްރޮކްސީ ހަނގުރާމައެކެވެ. މެދުއިރުމަތީގައިވެސް އެމެރިކާއިން ހަތިޔާރު ދީގެން ޒަޔަނިސްޓު ޔަހޫދީން ލައްވައި ހިންގަމުން ގެންދަނީ ޕްރޮކްސީ ހަނގުރާމައެކެވެ.
އިންޑިއާއަކީ ދުނިޔޭގެ ދެކުނުގެ ސަރަހައްދުގެ ގައުމުތަކުގެ ހައްގުތަކަށް ވަކާލާތުކުރާ ކަމަށް ބޮޑެތި ބަޔާންތައް ނެރޭ ޤައުމެކެވެ.
