ޕާކިސްތާންގެ ޤައުމީ އެއަލައިން ވިއްކާލުމަށް މަސައްކަތް ކުރަމުންދާއިރު އިތުރު ފަންނީ މައްސަލަތަކާ ކުރިމަތިލާން ޖެހިއްޖެއެވެ. ޓްރިބިއުން ނޫހުން ބުނިގޮތުގައި، ކުރިން 33 ބޯޓު އޮޕަރޭޓް ކުރި ޤައުމީ އެއަލައިން އިން މިހާރު އޮޕަރޭޓް ކުރެވޭ ހާލަތުގައި އޮތީ އެންމެ 16 ބޯޓު ކަމަށެވެ.
އިގްތިސާދީ ދަތިތަކާ ހެދި، ސްޕެއަރ ނުލިބިގެން ގިނަ ބޯޓުތައް ބޭނުން ނުކުރެވެއެވެ. އެހެންވެ ޑޮމެސްޓިކް އަދި އިންޓަރނޭޝަނަލް ދަތުރުތަކުގައި ބޭނުން ކުރަނީ މި 16 ބޯޓުކަމަށް ރިޕޯޓުކޮށްފައި ވެއެވެ.
ޕާކިސްތާނު ސަރުކާރުން ޕީއައިއޭ ވިއްކާލަން ކުރަމުންދާ މަސައްކަތް ލަސްވަނީ ދަރަނި ބޮޑުވެފައިވާ ތީވެ، ގަންނަ ފަރާތުން ދަރަންޏަށް ޒިންމާވާން ޖެހޭތީ އެކަމަށް ގޮތެއް ނުނިމިގެންނެވެ. ޕާކިސްތާނުން ބުނަނީ މި ހަފްތާގައި ޕީއައިއޭ ވިއްކާލުމުގެ މައްސަލަ ނިމޭނެ ކަމަށެވެ.
