2024 ވަނަ އަހަރު ދުނިޔޭގެ އެންމެ ގިނައިން ހަވާލާ ދެވޭ ދިރާސާވެރިންގެ ތެރޭގައި އީރާންގެ ދިރާސާވެރިން ހިމެނެއެވެ. އީރާންގެ ޖުމުލަ 1056 ދިރާސާވެރިންނަކީ، އެންމެ ގިނައިން ހަވާލާ ދެވިފައިވާ ދުނިޔޭގެ ދިރާސާވެރިންގެ އެއް ޕަސެންޓްގެ ތެރޭގައި ހިމެނޭ މީހުން ކަމަށް އިސްލާމިކް ވޯލްޑް ސައިންސް ސައިޓޭޝަން (އައިއެސްސީ) އިންސްޓިޓިއުޓުން ބުނެއެވެ.
2023 ވަނަ އަހަރު އީރާނުގެ ދިރާސާވެރިން (ރިސާޗަރުން) ގެ ދިރާސާތަކާ ހަވާލާ ދީފައިވާ ނިސްބަތަށް ވުރެން މިއަހަރު، 12 ޕަސެންޓް އިތުރު ވެފައި ވެއެވެ.
އެލްސްވިއަރގެ ސްކޯޕަސް ޑޭޓާ ބޭނުންކޮށްގެން ހޯދާފައިވާ މަޢުލޫމާތުގައި އެމެރިކާގެ ސްޓެންފޯރޑް ޔުނިވަރސިޓިން ބުނަނީ، އީރާނުގެ 2503 ރިސާޗަރުންނަކީ އެންމެ ގިނައިން ހަވާލާ ދެވޭ ދުނިޔޭގެ 2 ޕަސެންޓްގައި ހިމެނޭ މީހުން ކަމަށެވެ. 2023ގައި ހަވާލާ ދެވުނު އީރާން ރިސާޗަރުންގެ އަދަދު އުޅުނީ، 1870ގައެވެ.
މީގެ އިތުރުން އީރާންގެ އިންސްޓިއުޓްތަކަށް ހަވާލާ ދެވޭ ނިސްބަތް އުޅެނީ، ދުނިޔޭގެ ނިސްބަތުން 14 ވަނައިގައެވެ. އެއީ ޖުމުލަ 115 އިންސްޓިއުޓެވެ.
