ބޮޑުވަޒީރުކަން ލިބިވަޑައިގަތްތާ 8 ދުވަސްފަހުން އާންމު އިންތިޚާބަކަށް ގޮވާލެއްވި ޝިގޭރޫ އިޝިބާއަށް ޕާލަމެންޓްގެ މެޖޯރިޓީ ގެއްލިވަޑައިގެންފިއެވެ.
ޖަޕާނުގެ ލިބަރަލް ޑިމޮކްރެޓިކް ޕާޓީއާއި އެ ޕާޓީގެ ކުޑަ ބައިވެރިޔާ ކޯމެއިޓޯއަށް ޕާލަމެންޓްގެ މެޖޯރިޓީ ގެއްލުމުން 3 ވަނަ ޕާޓީއެއްގެ ސަޕޯޓު ބޭނުންވާނެއެވެ.
އިންތިޚާބުގެ ނަތީޖާ ދައްކާ ގޮތުން ޝިގޭރޫ އިޝިބާގެ ސަރުކާރު ވެގެންދާނީ ހަމަނުޖެހުން ބޮޑު، ކޮންމެ ބިލެއް ފާސްކުރުމަށްވެސް ދޫދޭން ޖެހޭ ސަރުކާރަށް ކަމަށް މުހައްލިލުން ބުނެއެވެ.
މިއީ ލިބަރަލް ޑިމޮކްރެޓިކް ޕާޓިއަށް 2009ގެ ފަހުން ލިބުނު ބޮޑު ނާކާމިޔާބީއެކެވެ.
