މުސްތަގްބަލުގެ މެގަ ސިޓީއެއްގެ ގޮތުގައި ސައޫދީ ވަލީއަހުދު އިމާރާތް ކުރާ، ނިއޯމްގައި ހަދާ ސިންދަލާ ރިސޯޓު ދައްކާލުމަށް ހުޅުވައިފިއެވެ. ސިންދަލާ ހުޅުވާފައިވާ ސައޫދީ ވަލީޢަހުދުގެ ހުވަފެނީ މުސްތަގްބަލުގެ ނިއޯމް ސިޓީގައި ކުލެޖެހެމުންދާ ކަން އިންވެސްޓަރުންނަށް ސާބިތުކޮށް ދިނުމުގެ ގޮތުންނެވެ.
ރެޑްސީގެ ލަގްޒަރީ ޖަޒީރާ ރިސޯޓްގައި ރެސްޓޯރެންޓްތަކާއި ހޮޓާތައް ހުންނާނެއެވެ. އަދި ޔޮޓްތައް ބެއްވޭނެ އިންތިޒާމު ވެސް ހަމަޖައްސާފައި ވެއެވެ.
ސިންދަލާ ފެތުރިފައި ވަނީ އަށް ލައްކަ ސާޅީސް ހާސް އަކަ މީޓަރުގެ ބިމެއްގައެވެ. 2028ގައި ސިންދަލާއިން ރސްމީކޮށް ގެސްޓުންނަށް މަރުޙަބާ ކިޔާއިރު އެއްފަހަރާ ދުވާލަކަށް 2400 ގެސްޓުންނަށް ދިރި އުޅެވޭނެ ގޮތް ހަމަޖެހިފައި ހުންނާނެއެވެ.
ސިންދަލާގެ މަޢުލޫމާތު ހާމަކޮށްފައި ވަނީ މިއަދު ރިޔާޟްގައި ފަށާ އިންވެސްޓާ ފޯރަމްގައެވެ.
ނިއޯމް މަޝްހޫރުވެފައިވަނީ ދަ ލައިން އިންނެވެ. އެއީ ރޮނގެއް ހެން ދެފަރާތަށް ހަރޮށިބިނާތަކުން އިމާރާތް ކުރަމުންދާ ސިޓީއެކެވެ.
2022ގައި ފެށި ލައިން ގެ ފުރަތަމަ ބައި 2030ގައި ނިމޭއިރު އެއް މިލިއަން މީހުން ލައިންގައި ދިރިއުޅޭނެއެވެ. އަދި 2045ގައި 9 މިލިއަން މީހުން ދިރިއުޅޭނެއެވެ.
މިހުރިހައި ކަމެއް ހަގީގަތަކަށްވެގެން ދާނީ، މެދުއިރުމަތީގައި ސުލްހަ ގާއިމްވެފައި އޮވެއްޖެނަމައެވެ. ނަމަވެސް މިހާރު އެއީ ބިލާހެކެވެ!
