ފިލްމާއި މިއުޒިކް އިންޑަސްޓްރީ މެދުވެރިކޮށް ރަޝިޔާއާއި ޗައިނާއިން ސަގާފީ އެއްބާރުލުން ވަރުގަދަ ކުރުމަށް މަސައްކަތް ކުރަމުން އަންނަ ކަމަށް ރަޝިޔާގެ ރައީސް ވްލަޑިމިއާ ޕޫޓިން ވިދާޅުވެއްޖެއެވެ. އޭނާ ވަނީ މިދިޔަ ހަފްތާގައި ބޭއްވި ބްރިކްސް ސަމިޓުގައި މަޝްވަރާ ކުރެވުނު ތަފާތު މަޝްރޫއުތަކުގެ ތެރޭގައި ޖޮއިންޓް ފިލްމް ވެންޗާތަކާއި ބައިނަލްއަގްވާމީ މިއުޒިކް ފެސްޓިވަލެއް ފަދަ މަޝްރޫއުތައް މަޝްވަރާ ކުރިކަން ހާމަކުރައްވާފަ އެވެ.
ހުކުރު ދުވަހު ޓެލެގްރާމް ޗެނަލްގައި ރޮސިއާ-1 ގެ މުވައްޒަފު ޕަވެލް ޒަރޫބިން އަށް ދެއްވި އިންޓަވިއުއެއްގައި ޕޫޓިން ވަނީ ދެ ގައުމުގެ ފިލްމު އުފައްދާ ފަރާތްތަކުގެ މެދުގައި އެއްބާރުލުން އިތުރުކުރުމަށް ޗައިނާގެ ލީޑަރު ޝީ ޖިންޕިންގް ފެށްޓެވި މަސައްކަތަށް ތައުރީފު ކުރައްވާފަ އެވެ.
"އިންޓަވިޝަން ފަދަ މަތީ ފެންވަރުގެ ފެސްޓިވަލެއް އުފެއްދުމުގެ ޚިޔާލެއް ވެސް އެބައޮތް،" އެއް ޒަމާނެއްގައި ހުޅަނގު ޔޫރޯވިޝަންގެ ބަދަލެއްގެ ގޮތުގައި ބޭނުންކުރި މަޝްހޫރު ލަވަ މުބާރާތަކަށް އިޝާރާތް ކުރައްވައި ރަޝިޔާގެ ރައީސް ވިދާޅުވި އެވެ.
އިންޓަވިޝަންގައި ކުރީ ޒަމާނުގައި ސޯޝަލިސްޓް ގައުމުތަކުގެ ފަންނާނުން ބައިވެރިވިއެވެ. ނަމަވެސް ނެދަލެންޑްސް، އޮސްޓްރިއާ، ބެލްޖިއަމް، ފިންލޭންޑް، ސްޕެއިން، ކެނެޑާ، އަދި ޕޯޗުގަލްގެ ފަރާތްތަކުންވެސް އެ މުބާރާތުގައި ބައިވެރިވި އެވެ.
މި ފެސްޓިވަލް ކުރިއަށް ދިޔައީ 1965 އިން 1980 އަށް ފުރަތަމަ ޗެކޯސްލޮވާކިއާގައެވެ. އޭގެ ފަހުން ޕޮލެންޑްގައެވެ.
