އިޒްރޭލުގެ ވެރިންނަށް ސީރިއަސް ސަލާމަތީ ނުރައްކާތަކެއް ކުރިމަތިވެފައިވާތީ، އިތުރު ސަލާމަތީ ފިޔަވަޅުތަކެއް އަޅައިފިއެވެ. އެގޮތުން އެތެރޭގެ ސަލާމަތީ އިދާރާ ޝިންބެޓްގެ އަމުރަށް މިއަދުން ފެށިގެން ކެބިނެޓް ބައްދަލުވުންތައް ބާއްވާނީ ބިންގަރާހުގައި ކަމަށް އަންގާފައި ވެއެވެ. މިއަދު ހެނދުނު އޮތް ބައްދަލުވުން ކައިރިވެފައި ވަނިކޮށް ވަޒީރުންނަށް އެކަން އެންގިއެވެ. އަދި އެއްވެސް ވަޒީރަކަށް، ބިންގަރާހަށް އިތުރު އެހީތެރިއެއް ނުވެއްދޭނެ ކަމަށްވެސް އަންގާފައި ވެއެވެ.
ނަތަންޔާހޫގެ ސަލާމަތީ ކަންކަން ވަރުގަދަ ކުރުމަށް 2 މިލިއަން ޝޭކަލް ކުއްލި ގޮތަކަށް ހަމަޖެއްސުމަށްވެސް އޭނާގެ އޮފީހުން އެދިފައި ވެއެވެ.
ޝިންބެޓުން ބުނެފައި ވަނީ އީރާނުން ސަލާމަތީ ގޮތުން ސީރިއަސް ނުރައްކާތަކެއް އިޒްރޭލުގެ ވެރިންނަށް މެދުވެރިވެދާނެ ކަމުގެ ބިރު އެބަ އޮތް ކަމަށެވެ.
އިޒްރޭލުން ވަނީ އީރާނަށް މައުލޫމާތު ފާއްދަލަމުން ދިޔަ ޔަހޫދީންތަކެއްވެސް ހައްޔަރުކޮށްފައެވެ. އޭގެ އިތުރުން ޙިޒުބުﷲ އިން ދަނީ މީހުން ދެ ދަޅައަށް ބިންގަރާހަށް ވައްދަމުން ހަމަލަތައް އޮއްސަމުންނެވެ.
