އިޒްރޭލުގެ ޑިފެންސް މިނިސްޓްރީން އިއުލާންކޮށްފައިވާ ގޮތުގައި 2023 ވަނަ އަހަރުގެ އޮކްޓޯބަރު މަހުގެ ހަތް ވަނަ ދުވަހުން ފެށިގެން 12،000 އަށް ވުރެ ގިނަ ސިފައިން ވަނި އަނިޔާވެ ނުކުޅެދިފައެވެ. ބައެއް ސިފައިންނަށް ދަނީ ސީރިއަސް ހާލަތުގައި އައިސީޔޫގައި އަދިވެސް ފަރުވާ ދެމުންނެވެ.
އިޒްރޭލުގެ ޑިފެންސް މިނިސްޓަރުގެ ދަރިވެސް ހިޒުބުﷲ އިން ވަނީ އުމުރަށް ނުކުޅައްދާލާފައެވެ.
އެ މިނިސްޓްރީގެ ރިހެބިލިޓޭޝަން ޑިޕާޓްމަންޓުން ޝާއިއުކޮށްފައިވާ ސެންސަރުކޮށްފައިވާ މި މައުލޫމާތަކީ އެ މިނިސްޓްރީއަށް ލިބިފައިވާ ސިފައިންގެ ތެރޭގައި ޖިސްމާނީ އަނިޔާ ލިބިފައިވާ 8،500 މީހުން ނުހިމަނައި ދީފައިވާ އިތުރު އަދަދެކެވެ.
އޮކްޓޯބަރު މަހުގެ ހަތް ވަނަ ދުވަހުން ފެށިގެން ޒަޚަމްވާ ޒަޔަނިސްޓު ސިފައިންގެ އަދަދު 20 އިންސައްތައަށް އިތުރުވެފައި ވެއެވެ. އަދި މިއަދާހަމައަށް ފަރުވާ ހޯދަމުންދާ އަދި ހޯދާފައިވާ ސިފައިންގެ ޖުމްލަ އަދަދު 74،000 އަށް އަރާ ކަމަށް ބުނެފައި ވެއެވެ.
ތަޖުރިބާކާރުން ބުނާ ގޮތުގައި މި އަދަދުތައް އާންމުކޮށްފައިވަނީ އިޒްރޭލުގެ އިދިކޮޅު ލީޑަރު ޔާއިރް ލެޕިޑް ހިބްރޫ މީޑިއާއަށް ދިން އިންޓަވިއުއެއްގައި ސިފައިންނަށް ލިބޭ ގެއްލުން ބަލާނެ ކަމަށް ބުނުމުންނެވެ.
ހޯމަ ދުވަހު އިޒްރޭލުގެ ޗެނަލް 12 އަށް ދިން އިންޓަވިއުއެއްގައި ލެޕިޑް ބުނެފައި ވަނީ، 11،000 ސިފައިންނަށް އަނިޔާވެ 890 މީހުން ލުބުނާންގައި މަރުވެފައިވާ ކަމަށެވެ. އަދި އިތުރު ސިފައިން ވެސް މަރުވާނީ ނަތަންޔާހޫއާ ހެދި ކަމަށެވެ.
ރިޕޯޓްތައް ބުނާ ގޮތުގައި ލެޕިޑް ވަނީ ޒަޔަނިސްޓު ސިފައިންގެ މަރުވި ހަގީގީ އަދަދު ފޮރުވާ ކަމަށް ތުހުމަތުކޮށްފައެވެ.
ލުބުނާނަށް ދިން ހަމަލާގައި ދެހާހެއްހައި ސިފައިންނަށް މިވީ ކުޑަ ދުވަސްކޮޅުގެ ތެރޭގައި އަނިޔާވެފައިވާ ކަމަށްވެސް އެހެން ބައެއް ހިބްރޫ މީޑިއާއިން ރިޕޯޓުކޮށްފައި ވެއެވެ. އިޒްރޭލުން ހަނގުރާމައިގެ ގެއްލުން ސިއރުކޮށް ސެންސަރު ކުރާތީ ސާފު މައުލޫމާތެއް ހާމައެއް ނުވެއެވެ.
އިޒްރޭލް މީޑިއާ ރިޕޯޓްކޮށްފައިވާ ގޮތުގައި ފާއިތުވި 24 ގަޑިއިރުގެ ތެރޭގައި ލުބުނާނުގެ ދެކުނުގައި ސިފައިންގެ 4 އޮފިސަރަކު ހަލާކުވެ، 58 މީހުން ނުކުޅެދޭ ހާލަތަށް ހިޒުބުﷲ އިން ބަދަލުކޮށްފައިވެއެވެ.
ޒަޔަނިސްޓުންގެ ގިނަ ފައުޖުތައް މިހާރު ވަނީ ދެކުނު ލުބުނާނަށް ބަދަލުކޮށްފައެވެ.
.
