މިޔާގީގެ ގަވަރުނަރު ޔޮޝިހިރޯ މުރާއި ވަނީ 2026 ވަނަ އަހަރުން ފެށިގެން މިޔާގީ ޕްރިފެކްޗަރ ގެ ހުރިހާ މުވައްޒަފުން ހަފްތާއަކު 4 ދުވަހު މަސައްކަތް ކުރާ ގޮތަށް ނިންމަވާފައެވެ. މިއީ ހަފްތާ ބަންދަށް 3 ދުވަސް ދޭ ފުރަތަމަ ސަރަހައްދެވެ.
މިއީ މުވައްޒަފުން ވަޒީފާއިން ވަކިވެގެންދާ މިންވަރު މަދު ކުރުމަށާއި ސަރުކާރު ވަޒީފާއަށް މީހުން ޝައުގުވެރި ކުރުމަށް ކުރާ މަސައްކަތެއް ކަމަށްވެސް ބުނެފައި ވެއެވެ.
މިހާރު މިޔާގީ ޕްރިފެކްޗަރ ގެ މުވައްޒަފުން ހަފްތާއަކު 38 ގަޑިއިރާއި 45 މިނެޓް އާދަވެގެން މަސައްކަތް ކުރާއިރު، ހޯމަ ދުވަހުން ފެށިގެން ހުކުރު ދުވަހުގެ ނިޔަލަށް 7 ގަޑިއިރު 45 މިނެޓްގެ ޝިފްޓެއް ލިބެ އެވެ.
އާ ޕްލޭންގެ ދަށުން މުވައްޒަފުންނަށް ތިން ދުވަހުގެ ހަފްތާ ބަންދެއް ލިބި ހަތަރު ދުވަހުގެ ތެރޭގައި ގަޑިތައް ހަމަ ކުރުމަށް ހުއްދަ ދޭނެއެވެ. ނަމަވެސް އެ މުވައްޒަފުންގެ ސުޕަވައިޒަރުންގެ ރުހުމާއެކުގައެވެ!
