މޮރޮކޯގައި ރައްޔިތުން ރަސްގެފާނަށް ކުރު ނީސްކުރަން ޖެހެއެވެ.
މޮރޮކޯގެ ރަސްގެފާނު ޞަލާތް ވިދާޅުވާނީ، "އަހުރެންގެ ކާފައަށް ސަލަވާތާއި ސަލާމް ލައްވާނދޭވެ!" މިފަދައިންނެވެ.
މިއަދު މޮރޮކޯގެ ޕާލަމެންޓްގެ ދެ ގޭގެ މެމްބަރުން އެއްކޮށްގެން ބާއްވާފައިވާ ޖަލްސާގައި ތަގްރީރު ކުރެއްވީ ފްރާންސްގެ އިސްލާމޯފޯބް ރައީސް މެކްރޮން އެވެ.
އޭނާ ވިދާޅުވީ ކީކޭ ޔެއްޔެވެ؟
"އިޒްރޭލަށް އަމިއްލަ ނަފްސު ދިފާއު ކުރުމުގެ ހައްގު ލިބިގެންވާ ކަމަށެވެ!
ހަމާސް އަކީ ލޭބޯން ފެންބޮވައިގެންފައިވާ ޓެރަރިސްޓް ނާތަހުޒީބު ބައިގަނޑެއް ކަމަށެވެ!"
މެކްރޮންގެ ހުރިހައި ވާހަކަތަކަށް މޮރޮކޯގެ ޕާލަމެންޓްގެ މެމްބަރުން އަތްޖެއްސެވެ! ހަމަ ބާރަށް އަތް ޖެއްސެވެ!
ޕާލަމެންޓް ބޭރަށް އެއްވީ އާންމު ރައްޔިތުންނެވެ!
އެމީހުން ގޮވައިލީ މެކްރޮން އަކީ އިސްތިއުމާރީ ވިސްނުމަކުން ވިސްނާ މީހެއް ކަމަށެވެ. އަދި ބާރަށް އަތް ޖެހި މެމްބަރުންގެ ހިސާބު ބަލަން ޖެހޭނެ ކަމަށެވެ.
ހަމާސްއިން ހަނގުރާމަ ފެށިފަހުން އަރަބިން ޙަމާސްއާއި ފަލަސްޠީނާ މެދު ސިއްރުން ބުނެފައިވާ ވާހަކަތައް ވަނީ މިހާރު ފޮތެއްގެ ސިފައިގައި ޝާއިއުކޮށްފައެވެ. އެ ފޮތުގައި މިސްރުގެ ޖާސޫސީ އިދާރާގެ ވެރިޔާނއައްބާސް ކާމިލު އާއި އުރުދުންގެ ރަސްގެފާނާއި ސައޫދީ މަސްއޫލުވެރިންނާއި ޔޫއޭއީގެ ވެރިން ޙަމާސް ނައްތާލަން ޖެހޭނެ ކަމަށް ބުނެފައިވާ ވާހަކައާއި ހަމާސްއަކީ އިޚުވާނުގެ ބައެއް ކަމަށާއި މާގިދު ނުދަންނައި އެވެރިން ނައްތާލައި ސާފުކޮށްލުން އިޒްރޭލުން ނިންމަން ޖެހޭނެ ކަމަށް ބުނެފައެވެ.
މި ފޮތުގެ ވާހަކަ ދާދި އަވަހަށް މި ނޫހުން ގެނެސްދޭނެ ވާހަކަވެސް ބުނަމެވެ!
