އިޒްރޭލުގެ އަރަބި ރައްޔިތުން (ފަލަސްޠީނު މީހުން) ނަށް ބިރުދެއްކުމަށް އިޒްރޭލުގެ ޕާލަމެންޓުން މިއަދު އެތައް ގާނޫނެއް ހުށަހަޅައި ބަހުސްކޮށްފިއެވެ. 1948ގެ ގަތުލުއާންމުތަކަށް ފަހުވެސް ހިފާފައިވާ ފަލަސްޠީނުގައި އިންދާފައިވާ ޒަޔަނިސްޓުން ވެރިކަން ކުރާ ބިންތަކުގައި ގިނަ އަދަދެއްގެ ފަލަސްޠީނު މީހުން ދިރިއުޅެއެވެ.
މިއިން ބައެއް ގާނޫނުތަކަކީ އެވެރިންގެ މިނިވަންކަން ހަނިކުރާ ގާނޫނެވެ. އަދި އަނެއް ބައި ގާނޫނަކީ، އިންތިޚާބުތަކުގައި އެމީހުންނަށް ނޫނީ އެމީހުންގެ ކެންޑިޑޭޓުންނަށް ނޫނީ ޕާޓީތަކަށް ނުވަތަ ވޯޓުލުމުގައި ބައިވެރި ނުވެވޭ ގޮތަށް ފާސްކުރާ ގާނޫނެވެ.
މި ގާނޫނުތަކުގައި ބުނަނީ ޒަޔަނިސްޓެއްގެ އިސްތަށްޓަކަށްވެސް ގެއްލުން ދޭ ފަލަސްޠީނު މީހެއްނަމަ އަދި އެފަދަ މީހަކަށް ސަޕޯޓު ކުރާ މީހެއް ނަމަ އެމީހަކަށް ވޯޓެއްވެސް ނުލެވޭނެ ކަމަށެވެ. އަދި އިންތިޚަބަކަށްވެސް ކުރިމައްޗެއް ނުލެވޭނެ ކަމަށެވެ. އަދި އެމީއްގެ ނަން އޮތް ޕާޓީއަކަށްވެސް އިންތިޚާބުގައި ވާދަ ނުކުރެވޭނެ ކަމަށެވެ. އަދި އެމީހެއްގެ ޕާޓީން ކުރިމަތިލާ އެންމެންގެ ނަންވެސް އުނިކޮށް އިންތިޚާބުގައި ކުރިމަތި ނުލެވޭ ގޮތް އިންތިޚާބީ ކޮމިޓީއަށް ހެދިދާނެ ކަމަށެވެ.
