އދ.ގައި ހުންނަވާ އިންޑިއާގެ ދާއިމީ މަންދޫބު ޕަރްވަތަނޭނީ ހާރިޝް ވަނީ އިންޑިއާގެ ބަޔާން އިއްވަވާފައެވެ. އޭނާ ވިދާޅުވީ، "އިންޑިއާ އޮތީ ފަލަސްތީނުގެ ރައްޔިތުންނަށްޓަކައި އިތުރަށްވެސް ކޮށްދެވެން ހުރިކަންކަން ކޮށްދިނުމަށް ތައްޔާރަށް،" ކަމަށެވެ.
ހާރިޝް ވިދާޅުވީ ފަލަސްތީނަށް އިންޑިއާއިން މިހާރު ދޭ ތަރައްގީގެ އެހީގެ އަދަދަކީ 120 މިލިއަން ޑޮލަރު ކަމަށާއި އޭގެ ތެރޭގައި އުންރުވާއަށް ދޭ 37 މިލިއަން ޑޮލަރުވެސް ހިމެނޭ ކަމަށެވެ.
އިންޑިއާއިން ވަނީ އޮކްޓޯބަރު 22 ވަނަ ދުވަހު އުންރުވާއަށް ހަ ޓަނުގެ ބޭހާއި ސިއްހީ ސާމާނުގެ ފުރަތަމަ ޝިޕްމަންޓު ފޮނުވާފައެވެ. އިޒްރޭލުން ވަނީ އުންރުވާއިން ހިފާފައިވާ ފަލަސްޠީނުގެ ބިންތަކުގައި އޮޕްރޭޓު ކުރުން މަނާކޮށްފައެވެ.
"އަޅުގަނޑުމެން ފޯރިވައިދޭ ތަރައްގީގެ އެހީގެ މިންވަރު މިވަގުތު އޮތީ 120 މިލިއަން ޑޮލަރުގައި. މީގެ ތެރޭގައި އުންރުވާއަށް ދޭ 37 މިލިއަން ޑޮލަރުގެ އުންރްވާ ސަޕޯޓް ހިމެނޭ. އަދި މިއަހަރުގެ އޮކްޓޯބަރު މަހުގެ 22 ވަނަ ދުވަހު 6 ޓަނުގެ ބޭހާއި މެޑިކަލް ސާމާނުގެ ފުރަތަމަ ބައި އުންރުވާއަށް ފޮނުވާފައިވޭ.." އޭނާ ވިދާޅުވިއެވެ.
އިންޑިއާގެ މަންދޫބު ވަނީ 7 އޮކްޓޫބަރުގައި ހަމާސްއިން ދިން ހަމަލައަކީ ޓެރަރިސްޓް ހަމަލައެއް ކަމަށް ސިފަ ކުރައްވާފައެވެ. އަދި އެހަމަލަ ކުށްވެރިކުރައްވައި އޭނާ ވާހަކަ ދެއްކެވިއެވެ.
ފަލަސްޠީނު މީހުންނަށް ޒަޔަނިސްޓު އިޒްރޭލުން ދެމުންދާ އަނިޔާތައް ކުށްވެރިކޮށް އެކަމާ ބެހޭ ގޮތުން، އިޒްރޭލަށް އަސްކަރީ އެހީދޭ އިންޑިއާގެ މަންދޫބު ވާހަކައެއް ނުދައްކަވައެވެ.
އާދަވެގެން އިންޑިއާއިން ގޮވާލާ، ދެ ދައުލަތުގެ ހައްލަކަށް އިންޑިއާއިން ތާއީދު ކުރާކަމުގައި އޭނާ ވިދާޅުވިއެވެ.
އެއްވެސްގޮތަކަށް ޝައިތާނުން އެހެން އެއްޗަކަށް ބަދަލެއްނުވާނެ! ޝައިތާނާއަކީ އިބިލީހުގެ މަތިކޮޅު ބާބުރީމިސްކިތްތަޅާއެތަށް ބައެއް ކޮށާލި ގެރިގޮރުބޯ ޝައިތާނީ ބައެއް އިން ޑިއާ އަކީ!