އީރާނަށް ޖާސޫސްކޮށްދިން ކަމުގެ ތުހުމަތުގައި ދެ ގްރޫޕެއް ހައްޔަރުކުރި ފަހުން އަނެއްކާވެސް އީރާނަށް ޖާސޫސްކޮށްދޭ ކަމުގެ ތުހުމަތުގައި މިއަދު ދެމަފިރިއަކު ހައްޔަރުކޮށްފިއެވެ.
"އިރާނުން އިޒްރޭލުން މައުލޫމާތު ހޯދުމަށް ކުރާ މަސައްކަތް މިދަނީ ނާކާމިޔާބު ކުރަމުން" ފުލުހުންނާއި އިސްރާއީލުގެ އެތެރޭގެ ސަލާމަތީ އިދާރާ، ޝިން ބެޓްގެ ބަޔާނުގައި މިއަދު ބުންޏެވެ.
މި ދެމަފިރިން ހައްޔަރުކޮށްފައި ވަނީ، މެދުތެރޭގެ ސިޓީއެއް ކަމަށްވާ ލުއްދުއިންނެވެ. މި ދެމަފިރިން ވަނީ، "އިޒްރޭލުގެ ޤައުމީ އިންފްރާސްޓްރަކްޗާތަކާއި ސެކިއުރިޓީ ސައިޓްތައް ފޮޓޯނަގައި މައުލޫމާތު އެއްކޮށް، އަންހެން އެކަޑަމިކެއް ޓްރެކްކުރުމުގައި މަސައްކަތް ކޮށްފައި" ކަމަށް ބުނެފައި ވެއެވެ.
ރަފައެލް އާއި ލާލާ ގޯލިއެވްގެ ދެމަފރިން ރެކްރޫޓް ކުރީ އީރާނުގެ އޮފިޝަލުންގެ ފަރާތުން ހަރަކާތްތެރިވާ އަޒަރުބައިޖާނުގެ އެލްހާން އަގަޔޭވް ނަކަށް ކިޔާ މީހެކެވެ. އިޒްރޭލަށް އަދި އަގަޔޭވް އަތުޖެހިފައެއް ނުވެއެވެ.
