ބޭންކް އޮފް މޯލްޑިވްސް (ބީއެމްއެލް) އިން ރާއްޖޭގެ އެކި ކަންކޮޅުތަކަށް ބޭންކިންގ ޚިދުމަތް ފުޅާކުރުމުގެ މަސައްކަތުގެ ތެރެއިން މިއަދު އއ. ހިމަންދޫގައި ސެލްފް ސާވިސް ބޭންކިންގ އޭޓީއެމް ސެންޓަރެއް ހުޅުވައިފިއެވެ.
މި އައު އޭޓީއެމް ސެންޓަރު މެދުވެރިކޮށް ހިމަންދޫގެ ރައްޔިތުންނަށް ދުވާލަކު 24 ގަޑިއިރު އަސާސީ ބޭންކިންގ ޚިދުމަތްތައް ލިބޭނެއެވެ. މީގެ ތެރޭގައި ފައިސާ ނެގުމާއި، ޖަމާކުރުމާއި އަދި ފައިސާ ޓްރާންސްފަރ ކުރުން ފަދަ މުހިންމު ޚިދުމަތްތައް ހިމެނެއެވެ.
ދާދި ފަހުން ހުޅުވުނު ފެރިދޫ އަދި ބޮޑުފޮޅުދޫގެ އޭޓީއެމް ސެންޓަރުތަކާއެކު، މިހާރު ބީއެމްއެލްއިން ވަނީ އއ. އަތޮޅުގައި 7 އޭޓީއެމް ސެންޓަރު ޤާއިމުކުރެވިފައެވެ.
މި ސެންޓަރުތަކުން 24 ގަޑިއިރު އަސާސީ ބޭންކިންގ ޚިދުމަތްތައް ލިބެން ހުންނާނެއެވެ.
