މިއަދު އިޒްރޭލުން ވަނީ ބެންގޫރިއަން އެއަރޕޯޓުގެ ޓާމިނަލް 1 ބަންދުކޮށް ތަޅުއަޅުވައިފި ކަމުގައި އިއުލާން ކޮށްފައެވެ. މިއީ އަގު ހެޔޮ ބަޖެޓް އެއާލައިންތަކުން ގާތް ކުރާ ގިމަތައެވެ.
ޔަހޫދުންގެ މީޑިއާއިން ބުނެފައި ވަނީ ހުކުރު ދުވަހުން ފެށިގެން 2025 ގެ މާރިޗް މަހާ ހަމައަށް މިގިމަތަ ހުންނާނީ ބަންދުކޮށްފައި ކަމަށެވެ. ސަބަބަކީ ފަލަސްޠީނުގައި އިންދާފައިވާ އިޒްރޭލަށް އަންނަ މީހުންގެ އަދަދު މަދުވުމެވެ.
ޙަމާސްއިން ފެށި ހަނގުރާމައަށް ފަހު މަޑުމަޑުން އެއަރލައިންތައް މަދުވަމުން ގޮސް އެންމެ ފަހުން ޓާމިނަލް 1 އިން ދަތުރުތައް އޮތީ އީލާތަށް އެކަންޏެވެ. މިހާރު އެވެސް ހުއްޓުމަކަށް އައީއެވެ.
ބަޖެޓް އެއާލައިން ކަމަށްވާ ވިޒްއެއަރ އާއި ރަޔަން އެއަރ އާއި އީޒީޖެޓުން ވަނީ ޒަޔަނިސްޓު ނިޒާމަށް ބައިބައި ކިޔާފައެވެ.
މީގެ ކުރިން، ޔަމަނުގެ އަންސާރުﷲ ޖަމާއަތުން ދެމުންދާ ޙަމަލަތަކުން އިޒްރޭލުން ހިފާފައިވާ އީލާތު ބަނދަރަށް އާގުބޯޓުތައް ނުލަފައިގެން އެ ބަންދަރުވެސް ވަނީ ބަނގުރޫޓު ވެއްޖެކަން އިއުލާން ކޮށްފައެވެ.
